Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pavarësisht se është një nga emrat më të mëdhenj të komunitetit të Fortnite, streamer-i Ninja shokoi shumë prej fansave të tij kur nuk mundi të kualifikohej për eventin e Fortnite World Cup që u mbyll fundjavën që lamë pas. Gjithsesi Ninja i ka premtuar fansave të tij se do të jetë pjesë e turnamentit vitin e ardhshëm.
Fortnite World Cup ishte një turnament për të gjithë lojtarët e Fortnite anë e mbanë botës, që konkuronin për çmime miliona dollarëshe. Kampioni i Solo Finals ishte vetëm 16 vjeç dhe mori me vete $3 milion. Bëhet fjalë për Bugha i cili do të jetë një konkurencë vërtet serioze për Ninja vitin e ardhshëm.
Në pjesën e duos pastaj, kampion dolën Aqua dhe Nyhrox, që ndanë së bashku një tjetër $3 milionsh. Fitorja e këtyre dy të fundit shkaktoi kontraditat e veta, pasi ata arritën të mundnin 49 skuadra, nga ku shumë prej tyre ishin më të kualifikuar se ata.
Ninja u shpreh se arsyeja që ai nuk mund të kualifikohej ishte sepse e mori reputacionin e tij për të mirëqenë dhe kjo e bëri që të mos sillte lojën e tij më të mirë në raundet kualifikuese të turnamentit. Ai ishte në skuadër me Reverse2k gjatë kualifikuese, por pasi Ninja nuk mund të kalonte, Reverse shkoi solo dhe u bë me një grup tjetër.
Doctor Disrespect, një tjetër streamer, që në një pikë u bë ban nga PlayerUnknown’s Battlegrounds sepse qëlloi qëllimisht shokun e skuadrës, tha sedo të donte që të bëhej partneri i Ninja për vitin e ardhshëm.
Ekzaktësisht se si do të shpalosen këto deklarata në situata konkrete mbetet për tu parë, por duke parë të papriturat që erdhën këtë vit nga Fortnite World Cup, askush nuk mund ta thotë me siguri se si do të shkojnë gjërat vitin e ardhshëm.
