Na’Vi bëhet skuadra e parë në CS:GO që nuk humb asnjë ndeshje

Ekipi ukrainas Natus Vincere ose siç njihet ndryshe si Na’Vi, arriti që të fitonte PGL Major në Stockholm. Pavarësisht fitores që ata morën, Na’Vi arriti gjithashtu që të krijonte disa rekorde të reja.

Finalja e madhe u zhvillua midis ekipit të G2 Esports dhe Na’Vi ku Na’Vi dominoi me rezultatin 2-0. Gjithashtu kjo fitore e bën Na’Vi ekipin e parë që të fitojë një CS:GO Major pa humbur asnjë hartë gjatë të gjithë këtij tournamenti.

Gjithashtu secili lojtar i Na’Vi performoi shumë mirë ku ndër ta mund të përmendin lojtarin kryesor Oleksandr “s1mple” Kostyliev. S1mple arriti që të kishte një K/D prej 32-17 në hartën e parë dhe 40-24 në hartën e dytë duke i dhënë fitore ekipit të tij.

Përballjet u zhvilluan në hartat Ancient e cila përfundoi me rezultatin 16-11 për ekipin e Na’Vi dhe në hartën Nuke me rezultatin 22-19 ku G2 arriti ta merrte pak veten por jo mjaftueshëm për të fituar kundër ekipit të Natus Vincere.

Ky është Major i parë në CS:GO që ekipi i Na’Vi fiton me s1mple në ekip i cili iu bashkua ekipit para 5 vitesh.