Nëse jeni një fans tradicional i sporteve, nuk mund të ketë kohë më të mirë se kjo tani për t’i dhënë një shans esports. Është pak e çuditshme në fillim, por rrugës mund të zbuloni se është një alternative e shkëlqyer, kur sportet tradicionale nuk jepen në televizor.
Me shpalljen e COVID-19 si një pandemi, thuajse gjithë bota e ka gjetur veten me më shumë kohë në duar. Vetë izolimi është i detyrueshëm në këtë pikë dhe çdo gjë është anulluar. Thjesht nuk ka më sporte për të parë.
Për shumë njerëz, ideja e të parit të The Office për të 14-n herë është tunduese, por nuk e përmbush tamam kohën e lirë. Fatmirësisht esports janë qef për tu parë dhe shumë evente kompetitive në të nuk janë anulluar.
Overwatch League, Call of Duty League një variacion ligash të League of Legends dhe edhe disa liga të CS:GO kanë njoftuar se do i mbajnë ndeshjet e tyre online në javët e ardhshme. Kompeticionet e esports mund të mbahen edhe online dhe ky është avantazhi i tyre në këtë situatë.
Nëse jeni fans i aksionit dhe ritmit të shpejtë ose një fans i strategjisë, është e sigurtë se ka një esport për ty.
League of Legends është një nga eventet më popullore në borë. League of Legends World Championship Final mes G2 Esports dhe FunPlus mori 44 milionë shikues në 2019. Sado që MOBA si League of Legends janë pak të vështira për tu kuptuar fillimisht, shikuesit mund të kuptojnë se çfarë po ndodh me ndihmën e komentatorëve.
League of Legends ishte parashikuar që të bënte një pushim, për shkak të anullimeve të eventeve live, por përkundrazi, League of Legends Pro League (LPL), League of Legends European Championship (LEC), League of Legends Championship Series (LCS) dhe LCS Academy po i kalojnë eventet e tyre online.
Overwatch League është gjithashtu një esports gjigand. Transmetimet e Overwatch League janë rritur gjithmonë e më shumë së fundmi dhe janë shumë argëtuese për tu parë. Nuk ju duhet që të luani ose ta shijoni lojën për të shijuar spektaklin e një ndeshjeje të Overwatch. Overwatch League është e mbushur me personalitete dhe brande të pabesueshme, që në disa mënyra riprodhojnë sportin tradicional.
Overwatch League e njoftoi rikthimin e saj këtë të shtunë, për të mbajtur ndeshjet me Seoul Dynasty dhe San Francisco, ndjekur nga një përleshje vendase mes Los Angeles Gladiators dhe Los Angeles Valiant. Fundjavën e ardhshme do të ketë 16 ndeshje për të parë, që do të thotë se nuk do të ketë minimalizim të sasisë së ndeshjeve të Overwatch.
Call of Duty League (CDL) gjithashtu do të rikthehet së shpejti, por CDL nuk e ka njoftuar ende orarin për këto ndeshje.
Flashpoint, që është një turnament i ri i Counter-Strike: Global Offensive (CS:GO) gjithashtu do të ketë transmetime këtë javë dhe në vazhdim. Flashpoints bashkon disa nga komentatorët më të njohur të esports dhe përfshinë skuadra si Cloud9 dhe MIBR. Flashpoint thjesht është shtyrë dhe nuk është anulluar prej COVID-19.
ESL Pro League pastaj gjthashtu është kaluar online dhe do të transmetojë ndeshje përgjatë kësaj jave.
Një pjesë e mirë e elementëve që i bëjnë sportet argëtuese për tu parë gjenden edhe në esports. Ka histori ku lojtarët performojnë lojëra fantastike për skuadrën e tyre. Ka skuadra që i do dhe rivalë që i urren. Të gjitha gjërat që bëjnë sportet fantastike aplikohen edhe në esports. I vetmi dallim është që esports mund të luhen edhe nga karantina.