Numri i shikuesëve të League of Legends sa vjen e rritet
Numri i shikuesëve të League of Legends sa vjen e rritet
Më shumë se 820,000 fansa të League of Legends ndoqën G2 Esports teksa mposhti Fnatic në LEC Summer Split ditën e djeshme, sipas informacioneve të reja të zbuluara nga Esports Charts.
Kjo e bën këtë event një prej më të ndjekurve në historinë e eventeve europianë të League of Legends, duke arritur rreth 650,000 shikues në Twitch ndërkohë që të dy ekipet luftonin për vendin e parë.
Këto numra janë të shpërndarë në platforma të ndryshme, me 2 burimet kryesore që janë faqja në Twitch e Riot Games dhe llogaria zyrtare e LoL Esports në YouTube. Të dyja këto faqje po transmetonin njëherësh finalen dhe kishin rreth 80% të shikuesëve totalë.
Ndërkohë, pjesa tjetër e shikuesëve që arritën këtë numër masiv erdhën nga kanale të tjera në Twitch që transmetonin ndeshje në gjuhë të tjera ose që komentonin atë që po ndodhe gjatë ndeshjes.
Në këto shifra gjithashtu ndikoi fakti se ndeshja midis dy ekipeve më të forta europiane në League of Legends ishte shumë e luftuar dhe u deshën plot 5 lojëra për të vendosur fituesin. Si zakonisht, sa më kompetitive dhe e zgjatur të jetë finalja e një sporti, aq më shumë njerëz do e ndjekin atë për të parë se si do të jetë rezultati përfundimtar.
G2 arriti të fitonte ndeshjen e fundit, duke marrë gjithashtu vendin e Europës në vazon e parë për Worlds e këtij viti. Të dyja ekipet ishin kualifikuar paraprakisht përpara nisjes së këtyre ndeshjeve, por Fnatic tashmë duhet të luftojë për të fituar një vend në vazon e dytë të Worlds në Regional Qualifier, që nisin në 13 shtator.
Këto shifra të shikueshmërisë padyshim që janë shumë të mira pak përpara nisjes së Worlds. Shifra maksimale e shikueshmërisë ishte shumë më e madhe se mesatarja prej 170,297 shikuesish dhe premton shumë për atë që do të ndodhë në arënën ndërkombëtare, duke filluar nga 2 tetori.