Worlds 2020 do të luhen në Shanghai, Kinë
Worlds 2020 do të luhen në Shanghai, Kinë
Kampionati Botëror i League of Legends, i quajtur ndryshe Worlds, është tournament-i më prestigjoz i lojës. Edhe pse kishte shqetësime se ai nuk do të mbahej pas anullimit të Mid-Season Invitational, Riot i ka konfirmuar fansave ditën e djeshme se eventi do të vazhdojë të mbahet në Kinë.
Gjithsesi, ndryshe nga plani fillestar ku çdo fazë e kampionatit do të luhej në qytete të ndryshme, i gjithë Worlds 2020 do të zhvillohet në Shanghai, me finalet që do të mbahen në Pudong Soccer Stadium.
Nuk dihet nëse fansat do të lejohen në stadium gjatë eventit, por Riot tha se ata po kërkojnë për mënyra për ta përmirësuar eksperiencën virutale të fansave gjatë 2020, në mënyrë të ngjashme me ardhjen e Elder Dragon në 2017 dhe teknologjinë Holonet të True Damage.
Worlds 2020 do të nisë më 25 shtator, ndërkohë që finalja e madhe e kampionatit do të jetë më 31 tetor. Riot gjithashtu konfirmoi se Worlds 2021 do të zhvillohet sërish në Kinë, ndërkohë që Worlds 2022 pritet të vijë në Amerikën e Veriut. Ndërkohë, Worlds 2020 do të ketë 24 ekipe dhe jo 16 siç ishte planifikuar më parë.
Riot publikoi edhe teaser-in e parë për eventin e ardhshëm: