Në update-in e ri, ligat e esports do të tregojnë sponsorat e tyre brenda në lojë
Në update-in e ri, ligat e esports do të tregojnë sponsorat e tyre brenda në lojë
Në një update të ri për League of Legends esports, Riot Games ka sjellë reklamat e stadiumeve të sporteve në Summoner’s Rift. Një veçori e re e quajtur SR Arena Banners do t’i lejojnë ligat kompetititve të League of Legends të ndryshojnë mënyrën se si shikuesit e shohin Rift, duke i dhënë atyre mundësi të vendosin sponsorat brenda në lojë.
Kjo veçori do të vijë në Summer Split dhe do të funksionojë vetëm për ata që ndjekin transmetimet zyrtare të League of Legends.
Banner-at e rinj do të duken vetëm për spektatorët, me lojtarët që do të shohin të njëjtin Rift si më parë, gjë që nuk do të ndikojë performancën e tyre në lojë. Sipas Riot, qëllimi është që të krijojnë të njëjtin mjedis si në sportet tradicionale.
Me shumë sporte që vetëm tani po rikthehen nga pushimi prej pandemisë së COVID-19, esports kanë arritur ta mbushin mirë hapsirën, duke marrë interesin edhe të kanaleve televizive. Duke sjellë eksperiencën e sporteve brenda në lojë, Riot Games padyshim që e vendos League of Legends në një pozicion shumë të mirë për të ardhmen.