Rrogat e lojtarëve të LCS tani po konkurrojnë me ato të futbollistëve
Rrogat e lojtarëve të LCS tani po konkurrojnë me ato të futbollistëve
Lojtarët profesionistë të League of Legends po bëjnë shumë para në Amerikë. Sipas Hal Biagas, drejtorit ekzekutiv të North America LCS Players Association (NALCSPA), rroga mesatare e një lojtari të LCS në 2020 është $410,000.
Kjo do të thotë se gjatë tre viteve të fundit rroga mesatare e një lojtari të LCS është katërfishuar, duke parë se ajo ishte $105,000 në 2017. Kjo rritje ka ardhur për shkak të sistemit franchise, gjë që ka rritur sponsorizimet dhe fitimet për ekipet e League of Legends në NA.
As announced by @hbiagas on #EssentialEsports today, the average LCS player's salary is now approximately $410,000.
— MonteCristo (@MonteCristo) May 27, 2020
Time for them to chip in and fund the LCS Players' Association themselves, I think.
Full independence would be a boon.
Përveç rrogave të lojtarëve, shumica e ekipeve të LCS paguajnë dhe shpenzimet jetike të tyre, ku këtu përfshihen kostoja e banesës, ushqimit dhe setup-it ku luajnë. Prandaj, çdo rrogë që lojtarët marrin mund të shpenzohet nga ata sipas preferencave dhe jo për shpenzime të detyrueshme, gjë që është diçka mjaft pozitive për ta.
Edhe pse $410,000 është padyshim një shifër e lartë, mesatarja është pak problematike, pasi ka lojtarë si Huni dhe Impact që kanë rroga më të larta se $1 milionë në vit. Për shkak të kësaj pabarazie, nuk mund të thuhet qatë se sa janë rrogat e lojtarëve të një niveli më të ulët.
Nëse krahason LCS me Major League Soccer në SHBA, rroga mesatare e një futbollisti të MLS në 2018 ishte $412,000, ndërkohë që mesorja ishte $179,000, pasi kishte lojtarë që paguheshin shumë më shuë se disa të tjerë. Megjithatë, MLS ka shumë më shumë lojtarë sesa LCS.
Gjithsesi, rritja e rrogave për lojtarët është padyshim një lajm i mirë për League of Legends dhe tregon se sa shumë është rritur skena esports e lojës. Summer Split i LCS do të nisë të premten, më 12 qershor.