Me shumë mundësi nuk do të ketë asnjë ndeshje ndërkombëtare deri në nisjen e Worlds
Me shumë mundësi nuk do të ketë asnjë ndeshje ndërkombëtare deri në nisjen e Worlds
Sipas reporterit Travis Gafford, Mid-Season Invitational 2020 në League of Legends është anulluar. Gafford foli për anullimin e MSI gjatë shfaqjes së tij, Hotline League, të cilën ai e zhvillon së bashku me analistin e LCS Mark Zimmerman.
Gafford tha se ishte mjaft i sigurt për vërtetësinë e këtyre zërave, duke shtuar se ky lajm nuk duhet të surprizojë askënd.
Nisqy, mid laner-i i Cloud9 i cili fitoi LCS Spring Split 2020 dhe arriti rekordi e split-it më të mirë nga një ekip amerikan në histori, ishte i ftuar në Hotline League dhe u pyet për reagimin e tij mbi këtë anullim. Ai tha se ishte një lajm i keq, por ekipi e kishte thuajse të sigurt që eventi nuk do të mbahej pasi organizimi i një eventi global në këtë moment është shumë i vështirë.
Në mars, Riot e shtyu MSI në qershor në vend që ta zhvillonte atë si zakonisht në maj për shkak të pandemisë së coronavirus. Pandemia ka bërë që shumë evente të zhvillohen online, diçka që është e pamundur me një event global si MSI. Megjithatë, përderisa Riot ende nuk ka nxjerrë një njoftim zyrtar, ata duhet të jenë duke punuar shumë për ta zhvilluar eventin.