Riot Games pezullon LCS dhe LEC të League of Legends

Ligat do të rinisin në një datë të mëvonshme.

Mbyllja e paevitueshme e skenës së esport të League of Legends tashmë ka ardhur. Gjatë javës së kaluar, Riot Games ka bërë disa ndryshime për sa i përket planeve të League of Legends kompetitv. Ndeshejt do të luheshin pa spektatorë, si dhe disa event të mëdha janë pezulluar.

Riot bëri gjithçka mundi për të shmangur anullimin e Spring Split të LCS dhe LEC, por tashmë ata kanë marrë vendimin e pezullimit të tyre.

Riot e njoftoi këtë gjë në rrjete sociale gjatë ditës së djeshme. Fillimisht, lajmërimi erdhi nga ana e LEC, ligës europiane të League of Legends. Ata konfirmuan se Spring Split ishte pezulluar për shkak të shqetësimit për sigurinë e lojtarëve dhe stafit. Lajmërimi gjithashtu përmendte se një anëtar i stafit mund të ishte ekspozuar ndaj COVID-19, prandaj stafi po merrte masa shtesë.

Edhe LCS, liga amerikano-veriore dha arsye të ngjashme për pezullimin e Spring Split. Të gjithan ndeshjet e LCS dhe Academy janë ndaluar dhe LCS konfirmoi se, nëse Spring Split rinis, finalet do të luhen në Los Angeles dhe jo në Dallas, për shkak të ndalimit të lëvizjes.

LCS dhe LEC do të monitorojnë pandeminë për të vlerësuar gjëndjen dhe situaten javë pas jave. Situatat rajonale mund të lejojnë që LCS dhe LEC të rinisin brenda javëve ose muajve të ardhshëm, por asgjë nuk dihet me siguri.

LCS dhe LEC nuk janë të vetmet liga që janë ndaluar, pasi e njëjta gjë ka ndodhur edhe me LCK dhe LPL, gjë që do të thotë se League of Legends Esports janë totalisht në pauzë.