Industria e esports ka patur arritje të shumta përgjatë dekadës së kaluar dhe është bërë një opsion karriere për shumë gamers të apasionuar. Minecraft, një nga fenomenet më popullore të gaming, nuk duket si loja tipike që pret të shohësh në turnamente të esports, por ka patur më shumë se një turnament botëror të mbajtur për Minecraft.
Sado që nuk ka një ligë zyrtare nga ana e Mojang ose Microsoft, kjo nuk i ka ndaluar turnamentet e tjera individuale të bëhen rreth e qark botës. Një nga kompeticionet më të famshme është Minecraft Championship, i mbajtur nga Noxcrew.
Minecraft Championship 8 u mbyll së fundmi dhe performoi jashtëzakonisht shumë mirë në transmetimet në Twitch dhe platforma të tjera. Fansat e lojës u kënaqën duke parë nivelin e lartë të lojërave dhe një varietet të llojeve të ndeshjeve dhe lojërave.
Noxcrew, një komunitet aktiv krijuesish të përfshirë me Minecraft prej një kohe të gjatë tashmë, kanë krijuar adventure maps, skin dhe texture packs, të cilat i kanë shitur në Minecraft Marketplace.
Ata kanë mbajtur Minecraft Championship në mënyrë të suksesshme tetë herë, me MC8 që u mbyll së fundmi, ku Pink Parrots morën fitoren. Turnamenti ka disa lojëra unike të krijuara brenda Minecraft, nga të cilat luhen tetë prej tyre. Ato janë:
- Parkour Warrior
- Hole in the Wall
- Battle Box
- Bingo But Fast
- Ace Race
- Skyblockle
- Survival Games
- To Get to the Other Side (and Whack a Fan)
- Big Sales at Build Mart
- Dodgebolt
- Sands of Time
Minecraft Championship (MCC) bëhet stream në disa platforma dhe zhvillohet përgjatë katër fazave:
- The Hub: Kjo është zona e përbashkët ku lojtarët dhe ekipet që marrin pjesë në turnament mnd të kontrollojnë pozicionimet e tyre dhe pikët personale ndërmjet lojërave.
- The Decision Dome: Kjo është një fazë e eventit ku lojtarët mund të votojnë për lojën e ardhshëme. Me një coin multiplier aktiv (ku sa më vonë të jetë aq më shumë coins do të vlejnë lojërat), rendi i lojërave mund të bëjë një dallim masiv për ekipet.
- The Games: Kjo është pika ku lojtarët konkurojnë në tetë lojërat e vendosura në Decision Dome. Çdo lojë mundëson një numër të caktuar coins dhe ata duhet të konkurojnë për të marrë numrin më të lartë të tyre në fund.
- The Final Duel: Dy ekipet me pikët më të larta vendosen në një lojë intensive të Dodgebolt, teksa ekipet e tjera qëndrojnë si spektatorë.