Major i parë i CSGO për 2022, PGL Major Antwerp është afër dhe një prej ekipeve shqiptare të CS:GO, Bad News Eagles, është pjesë e këtij eventi. Por kur dhe kundër kujt do të përballet ekipi i Bad News Eagles në PGL Major Antwerp 2022?
Ekipi i Bad News Eagles do të jetë pjesë e Challengers Stage që do të zhvillohet prej datës 9 maj deri më 12 maj. Përballja e parë do të jetë kundër Eternal Fire më 9 maj në orën 12:00 dhe mund të ndiqni kanalin e Twitch të PGL ose PGL CSGO.
Nëse arrin të fitojë, Bad News Eagles do të ketë mundësinë të përballet me ekipe të mëdha si MIBR, Liquid, ENCE, G2, Astralis, forZe dhe më shumë. Nga faza Challengers Stage do të kualifikohen 8 ekipe të cilat do të kalojnë Legends Stage.
Momentalisht ekipi Bad News Eagles është i përbërë nga:
- Dionis “sinnopsyy” Budeci
- Genc “gxx-” Kolgeci
- Flatron “juanflatroo” Halimi
- Sener “SENER1” Mahmuti
- Rigon “rigoN” Gashi
- Klesti “stikle-” Kola (trajner)
Gjithashtu së fundmi ekipi i Bad News Eagles u përgëzua nga Kryeministri i Kosovës Albin Kurti për arritjet e tyre deri më tani.