Kur dhe kundër kujt do të përballet Bad News Eagles në Blast Premier

Pas kualifikimit të tyre në PGL Major Antwerp 2022, Bad News Eagles kanë një event tjetër goxha të rëndësishëm për të marrë pjesë i cili është BLAST Premier Spring Showdown 2022 Europe.

Pas pjesëmarrjes së tyre në TWR Eastern European Masters: Spring 2022 dhe përballjes me ekipe të ndryshme, Bad News Eagles ia doli të kualifikohet në Blast Premier Spring Showdown 2022. Blast Premier Spring Showdown 2022 zhvillohet prej datës 27 prill deri më 1 maj dhe ka një prize pool prej 67,500 dollarë dhe fituesi i vendit të parë shkon në BLAST Premier Spring Final 2022.

Ndeshja e parë e Bad News Eagles do të jetë BO3, do të nis më 28 prill në orën 19:30 dhe do të jetë kundër ekipit të Ninjas In Pyjamas me të cilin u përballën edhe gjatë PGL RMR Europe B. Nëse ekipi i BNE arrin të dalë fitues, në gjysmë finale ata do të kenë përballë ekipin e Astralis ose Movistar Riders.

Momentalisht ekipi i BNE ndodhet në vendin e 25 sipas renditjes së HLTV, një pozicionim goxha i mirë për këtë ekip. Stafi i GameON Albania i uron Bad News Eagles suksese në Blast Premier Spring Showdown 2022  dhe eventet e ardhshme.