Ku do të mbahet finalja e Red Bull M.E.O. PUBG Mobile?

Gjatë fundjavës së kaluar u zhvilluan gjysmëfinalet e Red Bull M.E.O. PUBG Mobile ku 16 ekipet më të mira u kualifikuan për të marrë pjesë në finalen e madhe të Red Bull M.E.O. PUBG Mobile. Por ku dhe kur do të zhvillohet kjo finale?

Red Bull M.E.O. PUBG Mobile është një prej eventeve që Red Bull organizon për lojërat mobile dhe i cili rikthehet edhe këtë vit në Shqipëri dhe kësaj here për PUBG Mobile. Gjatë javëve të kaluara u zhvilluan fazat e kualifikueseve dhe faza e gjysëmfinaleve ku 16 ekipet më të mira u kualifikuan për t’u bërë pjesë e finales dhe për të vendosur se cili është ekipi më i mirë në PUBG Mobile në Shqipëri.

Ku dhe kur do të zhvillohet finalja e Red Bull M.E.O?

Dhe kësaj here finalja do të zhvillohet fizikisht dhe ku çdokush që është i interesuar mund të jetë pjesë e këtij eventi. Finalja e Red Bull M.E.O. do të zhvillohet tek Coolab gjatë ditës së shtune, 10 dhjetor, në orën 15:00 dhe çdokush është i ftuar të jetë pjesë dhe të ndjekë këtë event.

Gjithashtu gjatë këtij eventi do të kemi goxha surpriza prandaj sigurohuni që të merrni pjesë dhe të mos e humbisni këtë event.