Dota 2 është një ndër ato lojëra esports e cila njihet goxha kudo në botë dhe për të cilën organizohen shpesh evente të ndryshme. Dhe në një ndër tyre, ekipi i Kosovës në Dota 2 ka arritur që të fitojë një medalje.
Kosova ka arritur të marrë pjesë në IESF World Championship për Dota 2 duke arritur një sukses të madh. Pjesë e këtij ekipi janë lojtarët garter, weatherbeaten, FLL0, cpirra dhe Sadpk.
Ekipi i Kosovës ka arritur të pozicionohet në vendin e tretë në këtë tournament duke u përballur me ekipe të ndryshme si Izrael, Suedia dhe Nepali në Group Stage në të cilin u pozicionua në vendin e dytë.
Pas Group Stage, ekipi i Kosovës kaloi në Finals Stage. Gjatë raundit të parë, Kosova u përball me Guatemala e cila përfundoi me rezultatin 2 me 0 për ekipin e Kosovës. Në raundin e dytë Kosova arriti të fitonte ndaj Hungarisë me rezultatin 2 me 1.
Por në gjysmëfinale, ekipi i Kosovës mundet nga Çekia me rezultatin 2 me 1 duke e çuar Kosovën ne Losers Round 3. Në Losers Round 3 Kosova u përball përsëri me Suedinë ku humbi me rezultatin 2 me 0. Kosova e mbyll rrugëtimin e saj në këtë tournament në vendin e tretë dhe gjithashtu duke fituar një medalje.
Gjithashtu pjesë e këtij tournamenti ishte pjesë edhe ekipi i Kosovës në CS:GO i cili fatkeqësisht u eliminua në fazat e hershme të Final Stage.