Jemi vetëm një javë larg nga fundi I Gjirafa50 Masters League dhe mesa duket përballjet e kësaj jave kanë bërë që rezultati përfundimtar i këtij tournament të bëhet i ditur.
Një ndër ndeshjet kryesore të kësaj jave ishte ajo midis eSportsKosova e cila ndodhet në vendin e pestë dhe Ujqit e Vjeter të cilët ndodhen në vendin e gjashtë. Kjo përballje përfundoi në fitoren e Ujqit e Vjeter me rezultatin 2 me 1 por që nuk solli asnjë ndryshim në pozicionin e këtyre ekipeve.
Ekipi i MCYGAMiNG dhe ai i SELFMADE arritën të fitonin ketë javë me rezultatin 2 me 1 kundër Dirty Soldiers dhe PRISHTINA respektivisht. Kurse ekipi i MANGOGC- dhe ai i damn. humbën ketë javë kundër Eagles dhe gEmpire respektivisht me rezultatin 2 me 0.
Për sa i përket ekipit të BLINK i cili mban vendin e parë, ky ekip fitoi ketë javë me rezultatin 2 me 0 kundër gjallnikat të cilët ndodhen në vendin e 14. Me aq sa kemi parë mund të themi që BLINK e ka të sigurt vendin e parë. Kurse TOPHANE- dhe Masters Club humbën ketë javë kundër ekipit të ShkupiFinest dhe atij të uNique respektivisht.
Gjithashtu java tjetër e cila është java e fundit pritet të sjellë përballje të cilat mund të sjellin disa ndryshime në tabelën e rezultateve por e gjithë kjo mbetet për t’u parë ketë fundjavë në Gjirafa50 Masters League.