Gjirafa50 Masters League mbylli së fundmi javën e 12-të duke na bërë që të kuptojmë se fundi i kësaj lige është vetëm tre javë larg. Por çfarë ndodhi gjatë kësaj jave dhe cili prej ekipeve pjesëmarrës kanë marrë tashmë avantazhin?
Ekipi i eSportsKosova ka fituar ketë javë me rezultatin 2 me 0 kundër Masters Club duke mbajtur vendin e katër edhe për ketë javë. Ekipi i gjallnikat të cilët fituan javën e kaluar kanë humbur gjatë kësaj jave kundër ShkupiFinest me rezultatin 2 me 0. Kurse ekipi i SELFMADE dhe ai i MYCGAMiNG fituan ketë javë me rezultatin 2 me 0 kundër damn dhe TOPHANE- respektivisht pas humbjes që patën javën e kaluar.
Një ndër ndeshjet më të rëndësishme të kësaj jave ishte ajo midis ekipit të gEmpire dhe atij të Eagles e cila do të vendoste se cili prej këtyre ekipeve do të zinte vendin e dytë. Kjo ndeshje përfundoi në fitoren e gEmpire me rezultatin 2 me 1 duke bërë që gEmpire të qëndrojë edhe ketë javë në vendin e dytë.
Ekipi i MANGOGC- dhe ai i Dirty Soliders kanë humbur ketë javë kundër ekipit të uNiQUE dhe atij të BLINK me rezultatin 2 me 0. Kurse ekipi i PRISHTINA ka humbur ketë javë kundër Ujqit e Vjetër me rezultatin 2 me 1 pas fitores që pati javën e kaluar.
BLINK ka zënë vendin e parë në tabelën e renditjeve dhe mesa po shohim është tepër e vështirë që ky ekip të lëviz nga vendi i parë. Jemi vetëm tre javë larg dhe kemi akoma shumë për të parë në Gjirafa50 Masters League.