Edhe një javë tjetër e Gjirafa50 Masters League sapo u mbyll duke na ofruar një numër të madh përballjesh. Mund të themi që java e tetë ka sjellë disa përballje plot emocione dhe gjithashtu një rivalitet tepër të madh midis skuadrave kryesore pjesëmarrëse të Gjirafa50 Masters League.
Ekipi i BLINK dhe ai i uNiQUE arritën të fitonin ketë javë kundër Masters Club dhe MYCGAMiNG respektivisht me rezultatin 2 me 0. Kurse eSportsKosova dhe Ujqit e Vjeter fituan në përballjen e tyre me rezultatin 2 me 1 kundër gjallnikat dhe ShkupiFinest për të cilët mund të themi që nuk ndodhen shumë mirë në tabelën e renditjes.
Pas fitores së tyre gjatë javës së shtatë, Eagles dhe Prishtina arritën përsëri të fitonin dhe kësaj here kundër Dirty Soliders dhe damn. Për sa i përket performancës së tyre mund të themi që kohët e fundit kanë performuar goxha mirë dhe kanë arritur të mbajnë një pozicion tepër të mirë në tabelën e pikëve.
Pas fitores 2 me 0 gjatë javës së kaluar, mesa duket SELFMADE ka humbur ketë javë kundër gEmpire me rezultatin 2 me 0. Gjithashtu edhe ekipi i TOPHANE- ka humbur përsëri këtë javë dhe kësaj here kundër MANGOGC- me rezultatin 2 me 1 i cili ndodhet në vendin e gjashtë në tabelën e pikëve.
Së fundmi kemi venë re një rivalitet të madh midis ekipeve të cilat ndodhen në katër vendet e para të cilat janë uNiQUE, BLINK, Eagles dhe gEmpire. Mund të shohim që diferenca midis tyre është tepër e ngushtë. Kemi akoma tetë javë të tjera për të parë se si ky rivalitet midis këtyre ekipeve ka për të vazhduar dhe se kush ka për të kryesuar.