Ende nuk dihet data e rifillimit
Ende nuk dihet data e rifillimit
Riot Games ka shtyrë për një kohë të papërcaktuar javën e dytë të League of Legends Pro League (LPL), kampionatit kinez të esports në League of Legends për shkak të epidemisë së coronavirus në Kinë.
“Kemi vendosur të shtyjmë javën e dytë të LPL derisa të sigurojmë sigurinë dhe shëndetin e fansave dhe lojtarëve. Kërkojmë falje që u detyruam ta marrim këtë vendim dhe do t’ju japim fansave sa më shumë informacion kur të kemi mundësi,“- shkruan LPL në Twitter.
We have decided to postpone week 2 of the LPL until we can ensure the safety and health of our players and fans.
— LPL (@lplenglish) January 26, 2020
To our fans, we sincerely apologize that it has come to this and we will share any and all info as soon as we can.
Stay Safe and thank you all for your support!
LPL pati një pushim pas javës së parë për të festuar Vitin e Ri Kinez dhe pritej që java e dytë të niste në 5 shkurt. Liga e akademive të LPL, League of Legends Development League (LDL) gjithashtu pritej të niste në të njëjtën kohë, por edhe ajo është shtyrë.
Coronavirus, një kushëri i virusit SARS, u raportua fillimisht nga Organizata Botërore e Shëndetësisë në 31 dhjetor dhe thuhet se është shpërndarë jashtë qytetit të Wuhan, i cili tashmë është bllokuar. Sëmundja ka prekur më shumë se 2,000 shtetas kinezë dhe ka vrarë mbi 50 njerëz. Ka patur raportime të këtij virusi edhe në shtete të tjera si Korea e Jugut, Japonia, Tailanda, Franca, Australia dhe SHBA.
Momentalisht, Riot ende nuk ka zbuluar datën e rikthimit të LPL.