Ja si do të funksionojë Fortnite Winter Royale Duos 2019

Këtu mund të gjeni datat, formatin, çmimet dhe rregullat

Janë zbuluar të gjitha detajet e kompeticionit Winter Royale 2019 në Fortnite Chapter 2, përfshirë këtu datat zyrtare, formatin, rregullat dhe çmimet.

Turnamenti $15 milionë Winter Royale 2019 është një prej kompeticioneve më tërheqëse në Fortnite Chapter 2 dhe është gjithashtu turnamenti i dytë më i madh pas kualifikueseve dhe finaleve të Fortnite World Cup.

Eventi do të ndahet në tre turnamente të ndara Duos, që do të luhen në 20, 21 dhe 22. Secili do të ketë sistemin e tij të pikëve, rregullat e tij dhe $5 milionë prize pool.

Duhet të theksohet fakti se turnamentet do të jenë specifikë për çdo platformë, pra do të ketë lobby për PC, Xbox/PS4 dhe Switch/mobile/Touch. Gjithashtu, nuk do të ketë një detyrim rank-u në Arena, siç kërkohej në FNCS, ku mund të luanin vetëm lojtarët në Champion.

Epic Games ka aktivizuar sërish Arena Duos, për t’i dhënë lojtarëve një hapësirë për t’u praktikuar përpara turnamentit.

Dita e parë e Winter Royale 2019 do të jetë në 20 dhjetor 2019. Prize pool do të jetë $5 milionë. Dita e parë do të ketë një format “gjithçka-ose-asgjë“, pra lojtarët do të marrin pikë vetëm për Victory Royale. Mënyra tjetër e vetme për të marrë pikë është nëpërmjet vrasjeve, ku çdo vrasje vlen 1 pikë.

Turnamenti do të zgjasë rreth 4 orë dhe lojtarët mund të luajnë deri në 15 ndeshje. Do të jepen 15 pikë për Victory Royale dhe 1 pikë për eleminim. Lojtarët të cilët kanë fituar më shumë pikë do të shpërblehen në bazë të çmimeve të ndryshme.

Dita e dytë e Winter Royale 2019 do të jetë në 21 dhjetor 2019. Prize pool do të jetë sërish $5 milionë. Në këtë turnament, të gjithë lojtarët do të marrin pikë. Victory Royales do të jenë ende të rëndësishme, por jo aq sa më parë. Vrasjet janë elementi kyç. Rregullat janë të njëjta, dhe sistemi i pikëve është ky:

• Victory Royale: 60 pikë
• 2nd – 3rd: 50 pikë
• 4th – 7th: 45 pikë
• 8th – 12th: 40 pikë
• 13th – 25th: 25 pikë
• 26th – 35th: 15 pikë
• 36th – 50th: 5 pikë
• Çdo vrasje: 5 pikë

Dita e tretë e Winter Royale 2019 do të zhvillohet në 22 dhjetor 2019. Prize pool do të jetë sërish $5 milionë dhe ky turnament do të jetë një përzierje e dy turnamenteve të para. Pikët do t’i jepen vetëm 12 ekipeve më të mira në çdo ndeshje. Vrasjet janë 1 pikë, prandaj ato mbeten gjithsesi të rëndësishme. Ky është sistemi i pikëve:

• Victory Royale: 10 pikë
• 2nd – 3rd: 7 pikë
• 4th – 7th: 5 pikë
• 8th – 12th: 3 pikë
• Each elimination: 1 pikë

Për më shumë informacion rreth Winter Royale 2019, vizitoni postimin e Epic Games këtu.