Njihuni me GoSkilla, ekipin shqiptar në finalet e PMCO Europe 2020

Lojtarët shqiptarë kanë arritur të kualifikohen në finalet e PMCO Europe 2020, e cila rifillon nesër

Ditën e djeshme, PUBG Mobile Esports publikuan datat e rifillimit të finaleve të PUBG Mobile Club Open (PMCO) Europe 2020. Ky turnament, i cili ishte planifikuar fillimisht të mbahej në 12 dhe 13 prill, u shty për shkak të problemve të internetit për shumë prej lojtarëve. Tani, Tencent ka caktuar se ky tournament do të rinisë sërish dhe do të mbahet në 25 dhe 26 prill, pra këtë fundjavë.

Në PMCO Europe 2020 marrin pjesë 16 ekipe nga Rusia, Europa, Turqia dhe Gjermania. Fituesit e secilit prej këtyre Club Open janë kualifikuar për në PUBG Mobile World League, ndërkohë që nëpërmjet PMCO Europe 2020 do të kualifikohet gjithashtu edhe një ekip tjetër për në World League. Një prej ekipeve që konkurron është edhe GoSkilla, një organizatë esports italiane e përbërë nga lojtarë shqiptarë dhe kosovarë.

Ekipi fillimisht është krijuar dhe luante nën emrin TNB, përpara se të bëheshin pjesë e organizatës GoSkilla. Ai përbëhet nga Fatbardh “Whity” Hoxha (in-game leader), Elod “Elod” Klimenta dhe Agon “AgoNN” Hysenaj nga Kosova, si dhe Erjon “Savagex” Muhametaj nga Shqipëria. Ne patëm mundësi të intervistonim Whity rreth rrugëtimit të tyre në PMCO, si dhe planet e së ardhmes për ekipin.

• Përshëndetje, a mund të na tregoni pak më shumë për veten tuaj për ata që nuk ju njohin?

Përshëndetje! Sa më përket mua, unë quhem Fatbardh Hoxha, in-game name është Whity dhe jam nga Kosova, por jetoj në Gjermani .

• Përgëzime për rezultatet e arritura në finalet e PMCO? Si ishte eksperienca juaj në këtë kompeticion?

Faleminderit shumë! Eksperienca jone në këtë kompeticion ishte mjaftë emocionale dhe profesionale. Gjithashtu dhe shpirti i Shqiptarit na bëri më të fortë.

• Si mendoni se do të performojë GoSkilla në Regional Finals? Besoni se mund te kualifikoheni në World League?

GoSkilla ne Regional Finals do të japë maksimumin, siç e ka dhenë në të gjitha eventet e PUBG Mobile.

• Cilin shikoni si kundërshtarin tuaj më të fortë në Regional Finals?

Në fakt secila nga Top 16 teams janë kapacitet i lartë.

• Cili është fokusi i GoSkilla në të ardhmen?

Fokusi ynë ështe që të performojmë sa më mirë dhe te kemi një të ardhme të mirë.

• Në përgjithësi mobile esports vlerësohen me pak se esports në konsola ose PC. A mendoni se kjo gjë është e drejte?

Po. mendoj se është e drejtë sa i perket PC Gaming, sepse shikueshmëria është më e madhe. Gjithsesi, edhe mobile është duke u rritur gjithashtu.

• Cila është gjëja që ju tërheq më shumë tek PUBG Mobile?

Gjërat që më tërheqin më së shumti te PUBG Mobile janë Competitive Scene dhe eventet e mëdha.

• Çfarë mendoni se është më e rëndësishme për t’u bërë një lojtar profesionist?

Nje lojtar profesionist duhet të jetë i qetë në lojë dhe të mundohet të kapi gabimin e kundërshtarit, jo ta bejë ai atë gabim.

• Çfarë këshille do t’ju jepnit lojtarëve që duan të bëhen profesionistë në PUBG Mobile?

Do tju thoja që nëse mendoni se keni aftësi për lojën, vazhdoni në competitive dhe shfaqni afesitë tuaja në Scrims apo Tour në Europe, por edhe në rajone të tjera.