Për të gjithë ju që nuk jeni të njohur me Gjirafa50 Masters League, kjo është një ligë e re e fokusuar në eSports e krijuar nga Gjirafa50.
Qëllimi i saj është të rrisë komunitetin e lojërave dhe të kultivojë një natyrë kompetitive për të prodhuar lojtarë të jashtëzakonshëm dhe ndeshje emocionuese.
Masters League e Gjirafa50 do të fillojë me Kosovën, Shqipërinë dhe Maqedoninë e Veriut dhe do të zgjerohet në zonën juglindore të Ballkanit. Dhe pak a shumë kjo është gjithçka që duhet të dini për Gjirafa50 Masters League dhe qëllimin e saj; tani, le të flasim për turneun e tyre të parë në CS:GO.
Atëherë regjistrimi për sezonin e parë të Gjirafa50 Masters League është zyrtarisht i hapur! Në total do të jenë 256 ekipe, prandaj nxitoni, krijoni ekipet, regjistrohuni dhe zini vendet, ‘First Come First Serve’, është motoja e tyre për të gjithë ju që jeni të interesuar në pjesëmarrjen në këtë turne (një moto e cila ka funksionuar mjaft mirë dhe për ne teksa kemi bërë tournaments të mëparshëm). Po ashtu e dimë shumë mirë që kjo është ndër pyetjet e para që do të keni, kështu që po ju sqarojmë tani: prize pool i këtij tournament-i është 25,000 euro.
Më poshtë, mund të njoftoheni me formatin dhe rregullat e ligës.
Sezoni i parë i Gjirafa50 Masters League, do të ketë 4 kualifikime të hapura për lojtarë mbi 16 vjeç, me të drejtë pjesëmarrje nga Kosova, Shqipëria dhe Maqedonia. Ekipet do të luajnë nga një “Best of One”(BO1) në formatin “Single-Elimination Bracket”. Liga do të ketë 4 ‘qualifier’ siç e përmendëm dhe më parë, dhe secili ‘qualifier’ do të ketë 64 ekipe (në total 256 ekipe). Nga secili ‘qualifier’ në ligë, do të kualifikohen 4 ekipe. Ekipet që nuk do të arrijnë të kualifikohen nga një ‘qualifier, kanë të drejtë të regjistrohen në ‘qualifer-in’ e radhës.
Liga do të zgjasë 15 javë, dhe do të organizohet në formatin “Round-Robin”, ku secili ekip do të luajë me secilin ekip nga një “Best of Three” (BO3). Në fund të ligës, katër ekipet e fundit (vendet 13, 14, 15, 16) do të diskualifikohen nga liga. Këto vende do të plotësohen me ekipe të reja përmes “Open-Qualifiers” që do të mbahen para fillimit të sezonit të dytë të Gjirafa50 Masters League. Ndërsa, katër ekipet e para (vendet 1, 2, 3, 4) do të kualifikohen më tej për Gjirafa50 Masters Major, e cila do të organizohet në formatin “Double Elimination Bracket”, dhe ndeshjet do të jenë “Best of Three” BO3.
Pagesa e pjesmarrjes prej 100 euro për ekipe është e mbuluar nga Gjirafa50.com.
Rregullorja zyrtare e ligës do të jetë publike me 10 Nëntor, kështu që sigurohuni të qëndroni të përditësuar me Gjirafa50 në mediat e tyre sociale në Facebook dhe Instagram.
Regjistrimet për open qualifiers bëhen në FaceIT, të cilat mund t’i aksesoni në link-un e mëposhtëm:
https://www.faceit.com/en/organizers/1779df90-d750-4a2f-a2fa-6fb4ca25dd79/Gjirafa50%20Masters%20League