Gareth Bale njofton ekipin e tij të esports për 11 lojëra të ndryshme

Gareth Bale i Real Madridit ka njoftuar ekipin e tij të esports, duke u bërë futbollisti më i fundit me organizatën e tij

Sportistët profesionistë kanë filluar ngadalë të kthejnë shikimin e tyre drejt esports, me yje si Shaquille O’Neal, Ronaldinho dhe Jimmy Rollins të gjithë duke njoftuar sipërmarrjet e tyre në vitet e fundit. Sidoqoftë, gjërat duket se do të rriten shpejt në vitin 2020 me yllin e Barcelonës, Antoine Griezmann i cili së fundmi ka njoftuar ekipin e tij në fund të Janarit, dhe tani Gareth Bale, i cili luan për të Real Madrid, ka ndjekur trendin duke hyrë në skenën e esports.

Në një njoftim në Twitter ditën e sotme, uellsiani njoftoi ekipin e tij të ri ellevensesports, duke thënë se fokusi i organizatës ishte aktualisht në FIFA me blerjen e tre lojtarëve profesionistë dhe dy content creators. Ethan ‘EthxnH’ Higgins, Pedro ‘Resende’ Henrique dhe Tyler Phillips përbëjnë anën kompetitive të listës, ndërsa YouTubers si Ryan ‘itsHaber’ dhe Tom ‘NerdFire’ bashkohen me ekipin e content creation.

Ndërsa FIFA mund të jetë i vetmi esport i njoftuar zyrtarisht, në faqen e internetit të ekipit konfirmohet se Bale do të rekrutojë lojtarët nëpër një larmi lojërash, me një sy për të garuar në 11 liga të ndryshme esport-i për tu përputhur me emrin e organizatës, dhe numrin që mban lojtari teksa luan për Real Madrid dhe Wales.

Yjet aspirues të Esports, të cilët mendojnë se kanë atë që duhet për të përfaqësuar Bale në botën e esports, janë në gjendje të regjistrohen në faqen e internetit të ellevens, dhe të dërgojnë një aplikim duke shpjeguar pse janë shtesa e përsosur për sipërmarrjen e fundit të 30-vjeçarit.

Aktualisht, FIFA, Fortnite, Rocket League, CSGO, Rainbow Six, Call of Duty, Overwatch, Dota 2, Apex Legends, Streetfighter, dhe PUBG përbëjnë listën e lojërave që lojtarët mund të zgjedhin, që do të thotë se skuadra e Bale mund të ketë ambiciet për t’u bërë një nga skuadrat më të mëdha në esports.

Fansat e ndonjë prej atyre lojërave padyshim që do të duhet të mbajnë vëmendjen tek ellevensesports, pasi mbështetja e një futbollisti të profilit të Bale mund të tërheqë disa nga lojtarët më të mirë në botë.