G2 Esports shpallet kampione e LEC Summer Split pasi mposhti Fnatic

Mbretërit e Europës janë fituesit e Summer Split

G2 Esports kanë arritur të fitojnë titullin e LEC 2019 Summer Split duke arritur të fitojnë kundër Fnatic. Me fitoren e djeshme, ekipi do të jetë në vazon e parë të League of Legends World Championship që do të zhvillohet në nëntor në Europë.

Pasi humbën ndaj Invictus Gaming në finalen e 2018 League of Legends World Championship, Fnatic largoi nga ekipi i tyre mid laner-in e tyre Rasmus “Caps” Winther, danezin që vendosi të bashkohej me ekipin e G2. Pas largimit të Caps, Fnatic pati një fillim mjaft të vështirë, duke e filluar Spring Split me një rezultat 0-4. Ndërkohë që Fnatic po arrinte të përmirësonte rezultatet, G2 arriti të hidhte nga froni kampionët e mëparshëm në fund të split-it.

Të dy ekipet u takuan në raundin e dytë të Summer Playoffs javën e kaluar. Fillimisht u duk sikur Fnatic do të arrinte të mposhte gjigandët pasi fituan 2 ndeshjet e para të kësaj serie. Megjithatë, G2 arriti t’ia merrte fitoren nga duart Fnatic, duke fituar 3 ndeshjet e rradhës dhe duke kompletuar reverse sweep-in e tyre në playoff.

Fnatic megjithatë kishte ende 1 mundësi për hakmarrje. Një ditë më parë, atyre iu desh të përballeshin me Schalke 04 për një mundësi për t’u ndeshur sërish me G2. Një fitore e lehtë 3-0 arriti t’ia jepte Fnatic këtë mundësi.

Që në ndeshjen e parë të serisë u kuptua direkt rivaliteti midis këtyre skuadrave, të cilat e nisën ndeshjen menjherë në mënyrë agresive. Pas vrasjeve të shumta në bot lane në fillim të ndeshjes loja kishte më shumë se 1 vrasje për minutë dhe asnjë prej ekipeve nuk e uli ritmin. Megjithatë, Fnatic arriti të kontrollojë më mirë objektivat në late game, me 2 Mountain Drakes të marrë në fillim të lojës që i dhanë mundësinë Fnatic të merrte Baron dhe më pas Nexus-in e G2.

Ndryshe nga hera e parë që ekipet u përballën në playoff, G2 nuk kishte në plan ti jepte Fnatic mundësinë për të fituar pastër këtë rradhë. Samurait dominuan lojën e dytë për të barazuar serinë dhe AD Carry Luka “Perkz” Perković dhe jungler-i Marcin “Jankos” Jankowski arritën të dy vrasjen nr. 1000 në karrierën e tyre.

Pas një loje të tretë 40 minutëshe, Fnatic arriti sërish të merrte kryesimin, por seria u barazua sërish kur G2 arriti një comeback në lojën e katërt. Përpara fillimit të lojës finale, “Silver Scrapes” u vu në sfond, duke nënkuptuar se një ndeshje e madhe po vinte.

G2 e nisi lojën e pestë me një vrasje në çdo lane dhe e ruajti këtë avantazh deri në mid game. Në një teamfight i mirë, Fnatic arriti të vriste tre prej lojtarëve të G2 dhe më pas ata tentuan Baron. Megjithatë, një luftim tjetër nga ana e G2 i lejoi samurait ta siguronin për vete buff-in. Ndërkohë që përpiqeshin të hynin në bazën e Fnatic, Perkz hapi flash dhe më pas R e Syndra duke fituar për ekipin e tij luftimin e fundit përpara se të merrnin Nexus-in e Fnatic.

Si Fnatic dhe G2 e kishin siguruar vendin e tyre në World Championship përpara kësaj ndeshjeje, por tashmë G2 do të jetë në vazon e parë si kampione e Summer Split. Fnatic do të luftojë për vazon e dytë gjatë LEC Regional Qualifier, që do të nisë në 13 shtator.