Free Fire Champions Cup 2020, e planifikuar fillimisht për në 19 prill në Jakarta të Indonezisë do të shtyhet për një moment të dytë, për shkak të shqetësimeve në rritje për COVID-19. Garena, zhvilluesi i Free Fire dhe organizator i turnaentit e njoftoi këtë sot në një deklaratë. Sot është anulluar edhe TwitchCon Amsterdam.
Me presidentin e Indonezisë që konfirmoi se coronavirus kishte ardhur në vend, Garena vendosi menjëherë që të shtyjë eventin në vend që ta anullonte. Zhvilluesi tha se janë të “përkushtuar që të mbajnë shëndetin si prioritetin e tyre kryesor dhe mirëqënien e atletëve, fansave, parterëve dhe stafit.”
Vendimi erdhi pasi Indonezia konfirmoi rastin e saj të parë me coronavirus në datë 2 mars. Një 64 vjeçar dhe vajza e tij u testuan pozitivë dhe po trajtohen momentalisht në një spital në Jakarta.
“Jemi duke konsideruar të gjitha mundësitë që kemi për të përparuar me eventin, pasi të na e lejojnë kushtet,” ka thënë Garenaa. Në të njejtën kohë, finalet për Free Fire India Championship, që do të mbahen në 28 mars, do të vazhdojnë por si një event me dyer të mbyllura dhe pa audiencë.
Jakarta mbetet qyteti ku do të mbahen disa evente të esports në muajt e ardhshëm. Clash of Nations e ESL për Arena of Valor është planifikuar për datat 29-31 mars, ndërkohë që ONE Esports’ Dota 2 World Invitational do të mbahet në Indonesia Convention Exhibition nga 18-19 prill.