Zbulohen detajet e kampionatit të ardhshëm të PUBG Mobile
Zbulohen detajet e kampionatit të ardhshëm të PUBG Mobile
Finalet e PUBG Mobile Club Open (PMCO) Fall Split Global do të luhen në World Trade Center në Kuala Lumpur, Malajzi nga 23 nëntor deri më 1 dhjetor.
Finalja Globale, e cila do të luhet nga 29 nëntor deri më 1 dhjetor, paraqet 16 ekipe që përballen për titullin. Trembëdhjetë nga këto ekipe do të kualifikohen drejtpërdrejt përmes finales rajonale. Ato do të bashkohen nga tre skuadrat më të mira nga preliminatoret.
Për dallim nga hera e fundit, ne po shohim disa ndryshime në numrin e skuadrave nga secili rajon në finale dhe preliminatore. Dy skuadrat më të mira nga finalja rajonale në Azinë Juglindore dhe Azinë Jugore do të marrin direkt një vend në finalen globale. Për më tepër, një vend i caktuar është i rezervuar për vendin organizues, Malajzia. Fituesit e finaleve rajonale në Amerikën e Veriut, Europë, Kinë, Lindjen e Mesme & Afrikën Veriore, Amerikën e Jugut, Kore, Japoni, dhe rajonet Wildcard do të jenë skuadrat e tjera në finale globale. Rajonet Wildcard përfshijnë vendet që nuk përfshihen nga rajonet e lartpërmendura.
Në preliminatoret do të marrin pjesë skuadrat e treta, të katërta dhe të pesta nga Azia Juglindore dhe Azia Jugore në finalet rajonale. Ata do të bashkohen nga skuadrat e vendit të dytë dhe të tretë nga Amerika Veriore dhe Evropa. Vendet e dyta nga Kina, Lindja e Mesme & Afrika Veriore, Amerika e Jugut, Koreja, Japonia, dhe rajonet Wildcard do të jenë pjesëmarrësit e tjerë në preliminatore. Këto skuadra do të luftojnë për të siguruar një vend në top-treshe, gjë që do t’u garantojë atyre një vend në finalen globale.
‘Fall Split’ do të ketë gjithashtu një sistem pikësh të rindërtuar. Për tifozët që dëshirojnë të shohin ngjarjen drejtpërdrejt në PTWC në Kuala Lumpur, biletat do të dalin në shitje duke filluar nga fundi i tetorit.