Klubi i famshëm spanjoll i futbollit, FC Barcelona bën përpjeke të qarta për t’u futur në një nga kompeticionet më të forta të League of Legends në Kinë, LPL, duke sponsorizuar një nga ekipet e saj.
Gjigandët spanjollë të futbollit FC Barcelona, shtëpia e ikonave të paharrueshme si Lionel Messi dhe Ronaldinho, po kërkojnë të marrin pjesë në eSports të League of Legends përmes kampionatit LPL të Kinës. Sipas raporteve nga 2PlayBook, klubi Blaugrana, dëshiron të hyjë në skenën kompetitive të League of Legends duke sponsorizuar një nga ekipet franchise e cila është ekzistuese në LPL, ashtu si PSG ka bërë me skuadrën Talon Esports në PCS, që nga mesi i vitit 2020.
Sipas raportit të tyre, FC Barcelona do të zbatojë këtë formulë për të kursyer kostot e fillimit të një ekskluziviteti, siç është marrja e liçensës fillestare për të konkurruar, e cila vlerësohet në më shumë se pesë milion euro.
Po kështu, 2PlayBook konfirmoi se klubi i futbollit tashmë ka një plan biznesi për të përdorur këtë markë të përbashkët përmes zhvillimit të saj nga ana e përmbajtjes, sponsorizimeve dhe tregtimit apo shitjeve për të gjeneruar të ardhura. Vlen të theksohet se disa nga ekipet e LPL tashmë gjenerojnë më shumë se dhjetë milion euro të ardhura në vit.
Aktualisht, FC Barcelona zotëron disa skuadra që garojnë në esports në lojëra si Rocket League, eFootball PES dhe Hearthstone. Për momentin, Tencent, kompania mëmë e Riot Games dhe organizatori i LPL, ka punuar ngushtë me klubin për ta bërë të mundur këtë ardhje në ligën kineze, me ekipin e zgjedhur që do të zbulohet së shpejti.