Mid laner-i mesa duket morri disa oferta të çmendura përpara nisjes së këtij sezoni
Mid laner-i mesa duket morri disa oferta të çmendura përpara nisjes së këtij sezoni
I konsideruar nga shumica si lojtari më i mirë i League of Legends ndonjëherë, Faker është një prej ikonave të esports. Nuk është aspak surprizë që në fund të çdo sezoni shumë organizata tentojnë ta sjellin në ekipet e tyre, si për talentin, por edhe për ndjekësat e shumtë që ai do të sillte.
Deri tani, Faker e ka kaluar të gjithë karrierën me SK Telecom T1, të cilët tashmë quhen thjesht T1 Esports pas bashkëpunimit me Comcast Spectator, duke debutuar në 2013. Që prej asaj kohe, ai ka fituar tetë kampionate, një MSI dhe tre Worlds me lojtarë të ndryshëm.
Në fund të sezonit 2019, ku SKT fitoi të dyja split-et e LCK, por jo Worlds, kontrata e Faker me T1 mbaroi dhe ai ishte për një kohë të shkurtër një free agent. Edhe pse në fund ai firmosi sërish me T1 për dy vite, në një intervistë ai foli për ofertat që i erdhën. Faker tha se pati një kontratë $10 milionë nga Kina, si dhe një çek të bardhë nga Amerika e Veriut, ku ai vetë mund të vendoste çmimin e shërbimeve të tij.
Oferta nga Kina do të ishte rreth 8 herë më shumë se të gjitha fitimet e Faker nga çmimet në esports. Faker është i vetmi lojtar i League of Legends i cili ka fituar më shumë se $1 milionë në çmime.
Arsyeja pse Faker nuk i pranoi këto oferta ishte besnikëria e tij ndaj fansave, që e kanë ndjekur gjatë të gjithë karrierës së tij në LCK. Faker gjithashtu njihet si një person që nuk shpenzon shumë pavarësisht pasurisë së tij. Ai tha se zakonisht shpenzon më pak se $170 në muaj dhe se planifikon t’i përdorë paratë e kursyera për bamirësi.