Tre lojëra duket se mbizotërojnë esports në mobile
Tre lojëra duket se mbizotërojnë esports në mobile
Ndërkohë që industria e esports pati një rritje shumë të madhe gjatë vitit të kaluar, një seksion i saj, më saktësisht esports në mobile, patën një rritje të jashtëzakonshme.
Esports në mobile janë ende në fazat e para në perëndim, por në Azi disa prej tyre po bëhen më të mëdha se esports në PC dhe konsola. Një analizë e re tregon se sa i madh ka qënë ky bum i esports në mobile, duke treguar se cilët janë esports më të mëdha në mobile për sa i përket shikueshmërisë. Këto shifra, të cilat nuk përfshijnë statistikat nga Kina, një prej tregjeve më të mëdha në botë, tregojnë se MOBA 5v5 Arena of Valor ishte esports më popullor në mobile, duke arritur mbi 72 milionë orë shikueshmërie gjatë 2019 për stream-et dhe eventet kompetitive.
Gjithashtu, Arena of Valor ka shpërndarë mbi $5.8 milionë në formën e prize pools gjatë turnamenteve të mëdha LAN.
Pas Arena of Valor, në vend të dytë për sa i përket orëve totale ishte PUBG Mobile, e cila, pavarësisht rënies dhe pakënaqësive të lojtarëve në PC, është bërë shumë popullore. Në 2019, PUBG Mobile arriti 55.5 milionë orë shikueshmëri në total.
Ndërkohë, shifra më e lartë e shikueshmërisë gjatë vitit i përket lojës në vend të tretë, Free Fire, një tjetër battle royale mobile. Edhe pse kishte më pak orë në total të ndjekura se Arena of Valor dhe PUBG Mobile, eventi Free Fire World Series në Rio de Janeiro pati mbi 2 milionë shikues njëherësh.
Në vend të katërt ishte Mobile Legends: Bang Bang dhe në vend të pestë Clash Royale.
Shifrat e llogaritura për mobile esports në 2019, edhe pse nuk ndikohen shumë nga tregjet europiane dhe amerikane, tregojnë popullaritetin e lojërave, madje duke kaluar dhe versionet në PC, si në rastin e PUBG Mobile.