Esports është duke marrë gjithmonë e më shumë prezencë dhe vëmendje në një sens mainstream të fjalës. Tani ai do të klasifikohet si një sport me medalje në edicionin e 19 të Asian Games 2022.
Kjo nuk është hera e parë që esports trajtohen me medalje në një event të madh kompetitiv të një vendi të caktuar, por prapëseprapë mbetet një hap para, mbi të gjitha duke marrë parasysh përmasat e eventit në fjalë.
BREAKING!! Esports and #Breakdance has been announced as the official events of the #Hangzhou #AsianGames2022.@RNGRoyal @lolesports @LGDgaming @Hangzhou_Spark @ESPN_Esports @overwatchleague @SKGaming @FPX_Esports @TencentGames @JDGaming @T1 @faker @UziRNG @AsianGamesOCA pic.twitter.com/ALf4Jr7SIA
— 19th Asian Games Hangzhou 2022 Official (@19thAGofficial) December 16, 2020
Ky vendim u mor nga Olympic Council of Asia, që konfirmoi vendimin origjinal të 2017s për të përfshirë esports në listën e sporteve të mbajtura. Esports ishte gjithashtu prezent në Asian Games në 2018n, në Jakarta dhe Indonezi. Gjithsesi në këtë rast u përdor si sport demonstrues jo si një event i plotë.
Kjo gjë sjell edhe implikime për vende si Koreja e Jugut, pasi fitimi i një medaljeje të artë mund të përjashtojë fituesit nga detyrimet ushtarake. Gjithsesi, ligjet mund të ndryshojnë fare kollaj nga tani deri në 2022.
Lojërat që do të luhen në Asian Games 2022 ende nuk janë njoftuar, por duke parë raste të ngjashme të mëparëshme do të thonim që League of Legends, Arena of Valor dhe StarCraft II janë pretendente të forta.