ESL One LA do të jetë Major-i i tretë për 2019-20 Dota Pro Circuit

Ky do të jetë Major i parë në SHBA që nga 2016

ESL One do të debutojë në West Coast të SHBA në bashkëpunim me Valve vitin e ardhshëm. ELS One Los Angeles 2020 do të rikthejë Dota Pro Circuit Major sërish në Amerikën e Veriut për herë të parë që prej krijimit të këtij formati në 2017.

Ka pasur disa turnamente Minor që janë zhvilluar në SHBA që prej asaj kohe, siç ishte Dota Summit 11 në fillim të nëntorit, por ky bashkëpunim sjell së bashku produksionin e ESL dhe Valve për të krijuar një Super Major në një prej qëndrave më të mëdha të esports në botë.

“Los Angeles njihet për argëtimin dhe kjo është pikërisht ajo që ne duam të sjellim me LA Major,” – tha Ulrich Schulze, zv. president i ESL për produktin. “Më në fund do të sjellin turnamentin më të madh të Dota 2 në West Coast në Amerikë për herë të parë dhe jemi krenarë të sjellim më të mirën e Dota 2 tek komuniteti lokal“.

Duke qënë se ky është një DPC Major, do të ketë 16 ekipe që do të konkurrojnë në këtë event. 15 prej ekipeve që do të marrin pjesë duhet të kalojnë nëpërmjet kualifikueseve rajonale, ndërkohë që vendi i fundit është i rezervuar për ekipin që fiton Minor-in që do të zhvillohet nga 3-8 mars.

Kualifikueset rajonale do të nisin në 9 shkurt, vetëm 2 javë pasi Major-i i dytë i sezonit, DreamLeague Season 13, të mbyllet.

Si zakonisht, prize pool për një Major është $1 milionë dhe ka dhe 15,000 DPC Points për t’u fituar. Duke qënë se ky është eventi i tretë i madh DPC, kjo mund të jetë pika e kthesës për shumë ekipe, siç ishte DreamLeague Season 11 për Vici Gaming sezonin e kaluar.

Si në çdo Major, faza e grupeve nuk do të zhvillohet në skenën kryesore. Biletat për eventin kryesor do të shiten në 21 nëntor në faqen zyrtare të ESL.

Hera e fundit që një Dota Major u zhvillua në SHBA ishte Boston Major ku dominoi OG. Ka mundësi që kjo të ndodhë sërish kur ESL One Los Angeles të vijë në Shrine Auditorium nga 20-22 mars.