ESL One Cologne do të mbahet online këtë vit

Pandemia e coronavirus po bën që shumë organizata të esports të mendojnë jashtë kutisë. Kjo ose duke i shtyrë kompeticionet për një moment të dytë, si me rastin e The International 10 të Dota 2 ose duke e vendosur të gjithë ligën online. Për ESL One Cologne do të jetë zgjedhja e dytë.

Një tweet nga adresa Twitter-it të ESL Counter-Strike e njoftoi vendimin përmes një videoje në trofeut të ESL që ndahej në katër pjesë, ashtu si kompeticioni. “Pas kërkimeve të thella, ESL One Cologne 2020 do të mbahet online. Do e ndajmë trofeun në katër pjesë përgjatë divizioneve të Europës, Amerikës së Veriut, Azisë dhe Oqeanisë nga datat 18-30 gusht.”

Sado që trofeu do të ndahet mes katër rajoneve, përmasa e këtyre të fundit nuk është e njejta. Do të ketë 16 ekipe europiane, tetë nga Amerika e Veriut, katër nga Azia dhe një tjetër katërshe nga Oqeania.

Duke filluar nga Team Liquid në 100 Thieves, Ninjas in Pyjamas te Fnatic, shumë nga emrat më të mëdhenj të CS:GO do të vazhdojnë të konkurojnë pavarësisht këtyre ndryshimeve të mëdha në mënyrën se si do të realizohet turnamenti.

Ekipi i ESL gjithashtu shprehu se dëshiron që të gjithë të ribashkohen me njëri-tjetrin në 2021. Le të shpresojmë që do i shohim ekipet të përballen fizikisht deri atëherë.