Të gjithë e dimë se Epic Games nuk është tamam keq për lekë. Nëse akuzat e bërë nga lojtarët në Reddit janë të vërteta, Epic Games po kursejnë para, duke mos i paguar lojtarët paratë që fitojnë në lojërat Competitive Fortnite. Për të qenë më të saktë ata nuk po paguajnë një pjesë të madhe të lojtarëve.
Ishte tani gjatë shkurtit, kur Epic Games njoftoi Fortnite World Cup me prize pool $100 milionë. Kjo vjen pas një turnamenti të njejtë në 2018n me të njejtin prize pool. Fortnite ka organizuar shumë evente konkurimi, por problemi duket të jetë se lojtarët nuk po paguhen.
Postimi përfshin një tweet, që duket të ketë gjuar nga gjumi të gjithë lojtarët që nuk kanë marrë pjesën e parave që iu takon.
Problemi kyç në këtë rast përveç mungesës së pagesës, është se Epic Games gjithashtu akuzohen se po tregohen të heshtur për këtë problem. Lojtarët ankohen për mungesën e komunikimit dhe kjo është diçka që diskutohet në shumë servera të discord të konkurimeve në Fortnite.
“Disa nga këto pagesa kalojnë $9000, por prapë lojtarët po injorohen. Epic ka vajtur deri në pikën ku ka thënë se lojtarë të caktuar as nuk kanë qenë në event, kur është fare e thjeshtë të vërtetosh të kundërtën.”
Gjthsesi të gjitha këto ankesa nuk kanë kaluar plotësisht nën hundën e Epic, pasi një anëtar i stafit ka kthyer përgjigje, duke i bërë link një postimi në blogun e Epic Games që mban informacione në lidhje me pagesat. Sipas kësaj faqeje ka 43,285 pagesa, nga ku vetëm 4398 prej tyre janë dërguar.
Diçka vërtet e habitshme është 37,200 pagesat që Epic e ka pranuar që nuk po i jep. Të gjitha këto janë të lidhura me kualifikueset e Fortnite World Cup. Kompania thotë se po verifikon dhe po filtron informacionet, për tu siguruar mbi dhënien e pagesës.
Do të hamendësonim se informacionet e duhura janë dhënë nga lojtarët. Është e sigurt që nëse dikush do të fitonte diçka, do të jepte informacionin e duhur për ta marrë atë çmim. Gjithsesi nuk mund të themi me siguri nëse ai informacion është dërguar në kohë.
Gjithsesi me këto para të padhëna nga Fortnite World Cup, besojmë se do të ketë një grup mjaft aktiv lojtarësh që do të nervozohen. Këto revolta të vogla do të jenë fillimi i një lëvizjeje edhe më të madhe, mbi të gjitha për faktin se disa prej këtyre pagesave janë nga turnamente goxha të vjetra.
Epic Games qartazi ka vështirësi me shpërndarjen e pagesave, jo prej shumës së parave, por prej volumit të madh të tyre. Me turnamentet e Fortnite që vetëm shtohen, Epic do i duhet të nxitojë përpara se të ketë një pirg të madh lojtarësh të pakënaqur në derë.