EA anullon Apex Major dhe disa evente të FIFA për shkak të coronavirus

Coronavirus vazhdon të prekë edhe më shumë esports

Epidemia e coronavirus vazhdon të ndikojë eventet e esports, pasi Electronic Arts zbuloi se të gjitha ndeshjet kompetitive profesionale live për Apex Legends dhe FIFA 20 janë anulluar ose shtyrë.

EA publikoi në 6 mars se Apex Legends Global Series dhe FIFA 20 Global Series do të prekeshin nga shqetësimi rreth epidemisë. Eventet online do të zhvillohen normalisht, por major-i i parë i Apex Global Series është shtyrë, së bashku me eventin online FIFA CONMEBOL eLibertadores. FUT Champions Cup Stage V në bukuresh dhe FIFA PlayStation Licensed Qualifying Event janë anulluar plotësisht.

EA tha në deklaratën e tyre se nuk ishte një vendim i lehtë, por duke parë natyrën globale të këtyre eventeve, besonin se këto ishin masat që duheshin marrë në interes të shëndtetit të të gjithëve. Fansat që blenë bileta për eventet live do të rimbursohen brenda 4-6 javësh. EA gjithashtu tha se do të përpiqet të rimbursojë shpenzimet e hotelit dhe fluturimeve.

Major-i i parë i Apex Legends Global Series do të mbahej në Arlington, Texas nga 13-16 mars dhe në të do të konkurronin 100 ekipe për një prize pool prej $500,000. Tournament-i i dytë do të mbahet në 21-23 mars.

Për fansat e FIFA, eChampions League Online Qualifiers do të mbahen në 14-15 mars, me datat e eventit live që do të publikohen më vonë.