Dele Alli bëhet ‘brand ambassador’ i ri i Excel Esports

Pas një zbulimi të ri të markës së fundit dhe logos së ridizenjuar, organizata britanike e esports dhe ekskluziviteti i LEC Excel Esports ka zbuluar nënshkrimin e saj të fundit. Lojtari i Tottenham dhe entuziast i videolojërave, Dele Alli do të marrë një rol si ambasadori i markës së re të organizatës, njoftoi Excel sot.

Një lojtar i mirë i Fortnite i njohur për përdorimin e emotes ikonike të lojës si festime të golit, Alli do të bashkohet me Excel si një pjesë e ndërrimit të tyre të fokusit për t’u përqëndruar në “The Power of Better”, një moto që u zbulua gjatë ribrandimit të organizatës dhe shënon një angazhim te përmirësimi.

Roli i Alli si një ambasador thuhet se do të jetë i shumë-anshëm, duke u ofruar lojtarëve të Excel “mundësinë për të përfituar nga përvoja dhe njohuritë e tij për të qenë një atlet elitar”. Megjithatë, kjo nuk është përpjekja e parë e Alli në botën e gaming. Mesfushori ka kanalin e tij Twitch që i është kushtuar streaming të lojës së tij të preferuar, Fortnite.

Ai gjithashtu mori pjesë në iniciativën bamirëse Gamers Without Borders, një seri turnesh nëpër lojëra të ndryshme të transmetuar për të mbledhur para për pandeminë COVID-19, në fillim të këtij viti.

Alli tha se një hap në botën e esports “ishte një hap i natyrshëm që unë të hidhja” dhe pozicioni i Excel si një markë e udhëhequr nga Britanikët dukej si mënyra perfekte për të bërë atë hap. Ai tha se do të shikojë më tej për të thellësuar “njohuritë dhe kuptimin e tij vetjak për këtë industri vërtet emocionuese”.

Excel nuk është organizata e parë që ka lidhur një partneritet me atletë profesionistë. Basketbollisti me famë botërore Shaquille O’Neal, për shembull, investoi në organizatën esports NRG në 2016. Por partneriteti i Alli me Excel si ambasador i brand-it shënon një shembull të atletëve që shkojnë përtej një angazhimi thjesht monetar për zhvillimin e esports.