Çfarë po ndodh me Team BLINK?

Së fundmi shumë evente kanë ndodhur brenda ekipit të Team BLINK duke i bërë njerëzit goxha konfuz. Çfarë po ndodh në të vërtetë me Team BLINK?

E gjitha nisi pas largimit të Rigon “rigoN” Gashi dhe Sener “SENER1” nga Team BLINK më 21 Janar. Sipas njoftimit nga lojtarët dhe Team BLINK, ky largim u bë pasi nuk u arrit një dakordësi midis lojtarëve dhe Team BLINK për të shtyrë kontratën duke rezultuar në mbyllje të kontratës.

Menjëherë pas këtij largimi, Team BLINK njofton rikthimin e Kujtim “gulito” Durmishi i cili rikthehet përsëri në ekip. Më datë 24 janar, Team BLINK shton në roster e tyre Lisian “zigg” Mete për të plotësuar ekipin dhe për të marrë pjesë në Pinnacle Winter Series #1.

Më 25 janar, Flatron ”juanflatroo” Halimi tërhiqet përkohësisht nga ekipi për arsye shëndetësore duke u zëvendësuar nga Ensar “Caley” Ersusi në përballjet e ardhshme që Team BLINK do të kishte. Këto largime dhe probleme shkaktuan disa humbje të njëpasnjëshme të ekipit dhe gjithashtu e detyruan të largohej nga tournament i Elisa Invitational.

Më 3 shkurt, Team BLINK njofton largimin e trajnerit të tyre, Klesti “stikle-“ Kola, nga ekipi i tyre. Kjo bëri që më 5 shkurt Team BLINK të njoftonte largimin e lojtarëve të tjerë të saj, Genc “gxx-“ Kolgeci, Dionis “sinnopsyy” Budeci dhe Flatron “juanflatroo” Halimi nga ekipi. Por gxx- dhe sinnopssy do të luajnë akoma me Team BLINK derisa sa ata të përfundojnë tournaments që janë pjesë.

Ndryshime të mëdha dhe goxha të papritura kanë ndodhur së fundmi në ekipin e Team BLINK. Momentalisht rosteri i ekipit është si më poshtë deri në përfundimin e tournaments të tyre.

Akoma nuk dihet se çfarë do të ndodh konkretisht me Team BLINK dhe cila është e ardhmja e tyre. Lajmërime të reja priten së shpejti nga ekipi.