Çfarë ndodhi gjatë Gjirafa50 Masters League Finals?

Sezoni i parë i Gjirafa50 Masters League u mbyll me një finale tepër të bukur midis katër ekipeve më të mira të Gjirafa50 Masters League. Por çfarë ndodhi gjatë kësaj finale të madhe dhe cili ishte ekipi fitues?

Katër ekipet finaliste të këtij sezoni ishin gEmpire, EAGLES, Unique.Skuak dhe BLINK të cilat u përballën kundër njëra tjetrës në formatin Double Elimination Bracket ku secili përballje u zhvillua best-of-3 dhe përballja finale u zhvillua best-of-5.

Përballjet e para ishin midis gEmpire kundër EAGLES dhe Unique.Skuak kundër BLINK të cilat përfunduan në fitoren e gEmpire dhe BLINK. Dy skuadrat fituese të këtij raundi u ndeshën kundër njëra tjetrës duke përfunduar me fitoren e BLINK dhe arritjen e saj në ndeshjen finale.

Dy ekipet të cilat humbën në raundin e parë, EAGLES dhe Unique.Skuak u ndeshën kundër njëra tjetrës duke rezultuar në fitoren e EAGLES. Më pas EAGLES u përball me skuadrën që humbi në raundin e dytë, gEmpire e cila rezultoi gjithashtu në fitoren e EAGLES.

Finalja e madhe u zhvillua midis ekipit të BLINK dhe ekipit të EAGLES të cilat u ndeshën kundër njëra tjetrës në formatin best-of-5. Pas një performancë tepër të mirë nga të dyja ekipet, BLINK arriti të zinte vendin e parë të Gjirafa50 Masters League duke mundur EAGLES me rezultatin 3 me 0.

Gjithashtu gjatë kësaj finale u shpallën edhe MVP Player i cili u zgjodh Flatron ‘juanflatroo’ Halimi dhe Community Player i cili u zgjodh Arlind ‘deb0’ Sadiku.