Çfarë ndodhi gjatë finales së Red Bull M.E.O Season 5?

Fundjavën e kaluar më 10 dhjetor, GameON Albania zhvilloi finalen e madhe të tournament të Red Bull M.E.O Season në PUBG Mobile ku 16 ekipet më të mira nga e gjithë Shqipëria u përballën kundër njëri tjetrit. Por çfarë ndodhi gjatë kësaj dite dhe cili ekip u shpall fitues?

Tournament nisi rreth orës 15:00 dhe zhvillua në ambientet Coolab në Tiranë. Pjesë e këtij eventi u bënë dhjetëra shikues live dhe personalitete të ndryshme të cilët erdhën dhe ndoqën live përballjet e 16 ekipeve pjesëmarrës të cilët ofruan goxha spektakël. Gjithashtu patëm edhe dhjetëra shikues të cilët edhe pse nuk e patën mundësinë të na ndiqnin live, e ndoqën eventin nëpërmjet livestream tonë në Twitch.

Ekipet që morën pjesë ishin:

• 4 Gods
• Autochthonous
• Avengers
• Bad Heroes
• Courage Esports
• Dark Warriors
• Emperoes
• Ethnic Albania Claws
• Executioners
• Galaxy Esports
• GalaxyTeam
• Goat
• Make Them Run
• No Mercy Warriors
• TheNameless Sirius
• Xtreme Esports

Loja e parë u zhvillua në hartën e Erangel ku ekipi i Autochthonous arriti të zinte vendin e parë me 11 eliminime. Loja e dytë u zhvillua në hartën e Miramar dhe e cila u fitua nga ekipi i Xtreme Esports  me plot 12 eliminime. Loja e tretë u zhvillua në hartën e Sanhok ku ekipi i Goat zuri vendin e parë me 14 eliminime.

Loja e katërt u zhvillua përsëri në hartën e Erangel ku ekipi i No Mercy Warriors arriti të fitonte me 9 eliminime. Kjo fitore në lojën e katërt i dha këtij ekipi pikët që kishte nevojë për t’u shpallur fituese e këtij eventi të madh të Red Bull M.E.O Season 5. Në vendin e dytë dhe të tretë u pozicionuan ekipi i GOAT dhe ekipi i Autochthonous respektivisht.

GameON Albania falënderon gjithë stafin, sponsors, lojtarët dhe shikuesit dhe shpresojmë të shihemi përsëri në evente të tjera akoma edhe më të mëdha.

Deri atëherë, GameON…