Ndeshjet do të vazhdojnë të transmetohen online
Ndeshjet do të vazhdojnë të transmetohen online
Call of Duty League do të kalojë në një format të ri pas pandemisë së coronavirus. Në një deklaratë, liga tha se ndeshjet e ardhshme do të luhen online në vend që të luhen në skena të mëdha në qytetet në Amerikën e Veriut dhe Europë. Sipas deklaratës, liga do t’i rikthehet formatit tradicional me audiencë live sapo situata të qetësohet dhe të jetë më e sigurt.
Liga tha se ndeshjet e ardhshme do të vazhdojnë të transmetohen në YouTube për fansat, edhe pse nuk dihet se kur ato do të zhvillohen. CDL thotë se datat do të zbulohen së shpejti. Call of Duty League është një ligë relativisht e re, e cila po mundohet të bashkojë strukturën e qyteteve të sporteve tradicionale me Call of Duty. Deri më tani, ndeshjet janë luajtur në Minesota, Londër, Atlanta dhe Los Anxhelos. Atlanta FaZe dhe Chicago Huntsmen janë në krye të renditjes.
Gjithashtu, Overwatch League do të kalojë ndeshjet e marsit dhe prillit online. OWL më herët tha se do t’i anullonte këto evente live dhe thanë gjithashtu se oraret e reja të ndeshjeve do të publikohen së shpejti. Si pjesë e strukturës së re, ekipet do të ndahen në tre grupe bazuar në vendndodhjen dhe ndeshjet pritet të rinisin në 21 mars.
Këto nuk janë të vetmet liga të prekura, duke parë se edhe LCS dhe LEC të League of Legends tashmë do të luhen online dhe jo me spektatorë.