Bugha është kampioni i Fortnite World Cup Solo Finals

16 vjeçari e kishte në xhep $3 milionshin që fillim

Kyle “Bugha” Giersdorf është kampioni i Fortnite World Cup Solo Finals. Ai arriti të mblidhte 59 pikë përgjatë të gjashta ndeshjeve që luajti duke u diferencuar me plot 26 pikë nga vendi i dytë. Një fitore kjo mëse e merituar, që i jep Bugha $3 milion si fituesi i parë i Fortnite World Cup Solo.

Ai kurrë nuk u lëkund nga vendi i parë. Në ndeshjen e tij të parë Bugha mori Victory Royale-in e tij të vetëm me nëntë eleminime, duke mbledhur 19 pikë, nëntë më shumë kjo se lojtari që doli në vend të dytë. Pavarësisht se nuk mori pikë në ndeshjen e dytë, e kompensoi këtë me ndeshjet e tjera, duke mbledhur gjithmonë pikë për eleminimet dhe pozicionimin. Ishin këto faktorë që e ndihmuan atë ta siguronte vendin e parë.

Fitorja e Bugha u bë e pashmangshme në ndeshjen e pestë, ku ai e kaloi vendin e dytë me 15 pikë. Në këtë pikë e vetmja mënyrë që ai të mos fitonte ishte që të mos merrte asnjë pikë në ndeshjen e gjashtë dhe që vendi i dytë të merrte një Victory Royale me të paktën gjashtë eleminime për ta kaluar atë. Sigurisht që kjo gjë nuk ndodhi.

Në ndeshjen e gjashtë dhe të fundit Bugha vazhdoi të bënte spektakël, duke qëndruar në lojë shumë pranë fundit, për të siguruar një tjetër dozë pikësh dhe rrjedhimisht edhe fitoren e turnamentit.

Solo Finals e mbyllën fundjavën e Fortnite World Cup. Së bashku me fitoren e Bugha, dyshja nga Europa  David “aqua” W. and Emil “Nyhrox” Pedersen u bënë kampionët e parë të Duos, gjatë ditës së shtunë. Ndërkohë Fish Team fitoi Creative World Cup të premten.

Epic ende nuk e ka njoftuar nëse do të organizojë një tjetër Fortnite World Cup në 2020n, por kompania konfirmoi se një turnament i ri i quajtur Fortnite Championship Series do të nisë kur të fillojë sezoni i 10. Nuk dihet asgjë mbi këtë projekt të ri ose mbi mënyrën se si lojtarët mund të konkurojnë ose të kualifikohen për të.