Pas patch-it 2.03 disa lojtarë janë përballur me nje bug të ri i cili i bën armët dhe aftësitë të padobishme në mes të lojës. Në këtë patch Riot Games prezantoi disa përmirësime si edhe një game mode të ri. Edhe pse ky update u prit pozitivisht, me të nuk munguan problemet.
Falë këtij bug-u, loja bllokon funksionalitet bërthame per lojtarët në mënyrë rastësore. Duke qenë se rikrijimi i këtij problemi nuk është i thjeshtë, krijuesit e lojës mund ta kenë të vështirë të gjejnë problemin.
Ky bug u raportua fillimisht nga një përdorues i Reddit “EuphoriaJustice“. Duke iu referuar postimit të tij në Reddit, gjatë një loje kompetitive ne hartën Ascent, Euphoria nuk mund të ndërronte armën e tij me një armë në tokë.
Më vonë ai has një lojtar kundërshtar në zonën A i cili nuk mund të godiste apo të përdorte aftësitë e agjentit të tij. Fatmirësisht raundin e ardhshëm cdo gjë u kthye në normalitet.
Është e paqartë nëse ky problem prek disa lojtarë në vecanti apo mund t’i ndodhë kujtdo. Riot nuk ka komentuar akoma rreth ketij bug-u por zhvilluesit e lojes mund të jenë duke punuar në prapaskenë dhe ndoshta do të japin një zgjidhje sa më parë.