Ekipi Blink momentalisht po konkurron në Main Division Playoff Season 34
Ekipi Blink momentalisht po konkurron në Main Division Playoff Season 34
Ekipi shqiptar Blink, i përbërë nga Atif “gejmzilla” Mustafa, Sener “SENER1” Mahmuti, Genc “gxx-” Kolgeci, Jon “b0r1” Nuredini dhe Ernest “Xhoci“, kanë arritur të kualifikohen ditën e djeshme në ESEA Advanced League. Kjo është hera e parë që një ekip shqiptar arrin në këtë divizion në ESEA.
Ekipi i Blink e mbylli Season 34 të ESEA Main League në vendin e 25 nga 82 ekipe konkurruese me rezultatin 10-6-0, duke siguruar një vend në Playoff. Ndërkohë, ekipi Blink në Post Season kanë patur një performancë shumë të mirë dhe momentalisht kanë 4 fitore dhe 1 humbje. Kjo bën që ata të sigurojnë një vend në ESEA Advanced League Season 35, ku një prej ekipeve pjesëmarrës është edhe Team Secret, të cilët kanë mundësi të futen në ESEA MDL.
Edhe pse deri më tani kanë arritur të sigurojnë promovimin në ESEA Advanced League, Blink ka mundësi të luftojë për më shumë. Momentalisht ekipi i Blink ndodhet në Lower Bracket të ESEA Main Division, ndërkohë që ditën e nesërme do të përballen me ekipin serb Team Exellency në një seri Best of 3 për të patur mundësi të kalojnë në raundin tjetër. Ky Playoff ka një prize pool prej $10,500 për ekipet në vendet 1-8.
Ekipi i Blink ishte gjithashtu ekipi fitues i Telekom Legends | CSGO, ku arritën të marrin vendin e parë në tournament-in me prize pool 600€. Ne gjithashtu kemi bërë një intervistë me Blink, të cilën mund ta shihni më poshtë:
Deri më tani për ekipin e Blink kanë performuar mjaft mirë gxx- dhe xhoci, por nuk duhen lënë pas edhe arritjet e pjesës tjetër të lojtarëve të ekipit. Do të donim t’i uronim fat ekipit të Blink në ndeshjen e nesërme dhe jemi entuziastë për të parë arritjet e tyre në ESEA Advanced League Season 35.