Ju mund të fitoni duke marrë pjesë si lojtar ose thjesht duke ndjekur stream-in!
Ju mund të fitoni duke marrë pjesë si lojtar ose thjesht duke ndjekur stream-in!
Gjatë javës së kaluar, GameON nisi me javën e parë të GameON Community Series për PUBG Mobile. Ky tournament, siç mund ta kuptoni dhe nga vetë emri i tij, është i fokusuar dhe i fuqizuar plotësisht nga komuniteti i lojtarëve të GameON.
Gjatë javës së parë të këtij tournament-i luajtën 6 grupe me 16 pjesëmarrës, të ndarë në 3 ditë: të premte, të shtunë dhe të diel. Loja e parë e grupeve ishte në Erangel ose Miramar, ndërsa loja e dytë e secilit grup zhvillohej në Sanhok, e cila është hartë e vogël dhe që premton lojë të shpejtë dhe agresive. Performanca e ekipeve ishte mjaft e lartë, me ekipe si 4TM, SOA, TC, UNST, AUT dhe më shumë që u prezantuan mjaft mirë dhe dhuruan spektakël.
Për ata që nuk patën mundësi të regjistrohen në kohë ose që ishin thjesht kuriozë për të parë tournament-in live, GameON Community Series u bë stream në Trovo, ku ju gjithashtu do të mund ta ndiqni tournament-in edhe këtë javë. Javën e kaluar për shikuesit e stream u dhuruan plot 9 lojëra në Steam, ndërkohë që këtë javë, kushdo që sheh stream-in do të ketë mundësi të fitojë Google Play Gift Cards!
Nëse jeni të interesuar për të marrë pjesë në javën e dytë të GameON Community Series, regjistrimi është mjaft i lehtë. Ju duhet të shkoni në Discord-in e GameON Albania dhe mund të regjistroheni në kanalin #registrations. Ekipet do të luajnë të premten, të shtunën ose të dielën duke nisur nga ora 19:00 për grupin e parë të ditës dhe 20:30 për grupin e dytë të ditës. Grupi i parë luan në Erangel dhe Sanhok, ndërsa grupi i dytë në Miramar dhe Sanhok.
Këtë javë, çmimet do të jenë 6 gift cards 25€ për fituesit e çdo grupi, si dhe gift cards për shikuesit në stream. Pra, ju mund të jeni fitues duke luajtur ose thjesht duke ndjekur tournament-in live. Vendet janë duke u mbushur, prandaj nxitoni të regjistroheni në Discord!