Bad News Eagles kualifikohet në PGL Major Antwerp 2022

Gjatë kësaj jave Bad News Eagles ka qenë pjesë e tournamentit të PGL Major Antwerp 2022: European RMR B i cili iu ofronte një shans për t’u kualifikuar në PGL Major Antwerp 2022. Dhe pas shumë vështirësish dhe pengesash, BNE ia ka dalë të kualifikohet.

Përballja e parë e Bad News Eagles ishte kundër Entropiq, kundër të cilëve BNE arriti të fitonte. Përballja e dytë ishte kundër ekipit Ninjas in Pyjamas ndaj të cilët pësuan një humbje.

Ekipi i tretë me të cilin u përballën ishte ekipi i G2 kundër të cilit humbën përsëri. Por kjo nuk e ndaloi ekipin e Bad News Eagles. Ekipi i katër me të cilin u përballën ishte ASG kundër të cilit arritën të fitonin me rezultatin 2 me 0.

Dhe përballja e fundit ishte kundër ekipit të SINNERS kundër të cilit fituan me rezultatin 2 me 1. Kjo përballje i siguroi kualifikimin në PGL Major Antwerp 2022 dhe njëkohësisht duke shënuar një ditë të rëndësishme për ekipin e Bad News Eagles.

PGL Major Antwerp 2022 do të zhvillohet midis datave 9 maj deri më 22 maj 2022 dhe do të ketë një prize pool prej 1 milion dollarësh. GameON Albania i uron ekipit të Bad News Eagles suksese në tournamentet dhe eventet e ardhshme.