Bad News Eagles kualifikohen për BLAST Premier Spring Showdown 2022

Që prej formimit të tyre para disa javësh, Bad News Eagles ka arritur suksese të mëdha ku një ndër to ishte edhe kualifikimi në PGL Major Antwerp 2022. Dhe tani Bad News Eagles ka arritur një sukses tjetër, të kualifikohet për BLAST Premier Spring Showdown 2022.

Nëse po pyesni veten se çfarë është BLAST Premier, BLAST Premier është një ligë profesionale esports e lançuar për CSGO më vitin 2020 në dy rajone, Amerika e Veriut dhe Evropë. Tashmë kjo ligë është e ndarë në dy sezone, Spring dhe Fall, të cilat zgjasin katër muaj me 12 ekipe pjesëmarrëse.

Bad News Eagles mori pjesë në tournament e TWR Eastern European Masters: Spring 2022 ku pas përballjes me ekipe të ndryshme nga rajoni arriti që të zinte vendin e parë dhe të kualifikohej në BLAST Premier Spring Showdown 2022.

GameON Albania i uron suksese Bad News Eagles në BLAST Premier Spring Showdown 2022. Tournament do të zhvillohet më 27 prill ku do të jenë pjesë 8 ekipe të fuqishme si Astralis, NIP, Heroic dhe shumë ekipe të tjera.