Gjatë kësaj fundjave, Bad News Eagles morën pjesë në finalet e tournament Tipsport Prague Cup 2022 Finals ku u ndesh me shumë ekipe të tjera finaliste.
Gjatë përballjeve me ekipet e tjera, Bad News Eagles arriti që të fitonte dhe të shpallej në vendin e parë gjatë finales së Tipsports Prague Cup 2022.
Tipsport Cup është një tournament në CS:GO që organizohet nga PLAYzone dhe që ka një prize poll prej afërsisht 37,000 dollarësh. Ndeshjet kualifikuese u zhvilluan online ku ekipi i Bad News Eagles u përball me ekipe të ndryshme si Enterprise, Sampi dhe Entropiq ku me këtë të fundit pati një incident të vogël gjatë përballjes.
Çfarë ndodhi gjatë finales së Tipsport Prague Cup 2022?
Finalet u zhvilluan në Pragë të Çekisë gjatë kësaj fundjave në datat 17 dhe 18 shtator. Ekipet pjesëmarrëse ishin 4 të cilat ishin kualifikuar nga kualifikueset online dhe që ishin Enterprise, ECLOT, Sinners dhe Bad News Eagles.
Përballja e parë u zhvillua midis Enterprise dhe ECLOT e cila përfundoi me rezultatin 2 me 0 për ECLOT ku ky i fundit kaloi në finale. Përballja e dytë u zhvilluar midis Sinners dhe Bad News Eagles e cila përfundoi në fitoren 2 me 1 për Bad News Eagles.
Finalja e madhe u zhvillua midis ECLOT dhe Bad News Eagles dhe që përfundoi në një dominim nga ana e Bad News Eagles me rezultatin 2 me 0. Kjo fitore në Tipsport Prague Cup 2022 e ka çuar ekipin e Bad News Eagles në vendin e 31 sipas renditjes së HLTV.