Ajo do të ketë një prize pool prej $2 milionë
Ajo do të ketë një prize pool prej $2 milionë
Liga e re e Counter-Strike: Global Offensive e krijuar nga ekipet dhe e drejtuar nga FACEIT do të quhet Flashpoint. Kjo ligë do të adresojë problemet kryesore që rrezikojnë të ardhmen e ekosistemit të CS:GO, përfshirë këtu monopolin e turnamenteve, stabilitetin dhe ekonominë.
Liga, të cilën komuniteti e njeh nga emri i koduar “B Site“, do të targetojë të rriturit dhe do të inspirohet nga WWE dhe UFC për përmbajtjen e saj. Për këtë arsye, Flashpoint do të luhet offline në një studio live dhe do të ketë dy sezone në vit, si dhe në total një prize pool prej $2,000,000.
Flashpoint do të ketë një format open circuit për të sjellë talente të reja. Ekipet partnere, të cilat përfshijnë MiBR, Cloud9, Mad Lions, Gen.G, Dignitas dhe c0ntact Gaming, nuk do të kenë një vend të garantuar dhe do të duhet të luftojnë për të mbijetuar. Kjo bëhet me qëllim që të sigurohen mundësi të barabarta për të gjitha ekipet, të cilët do të marrin disa prej fitimeve më të mëdha në botën e esports.
Liga do të nisë me kualifikueset e hapura në Europë, Amerikën e Veriut dhe Amerikën e Jugut sot. Top 16 ekipet nga Europa dhe Top 8 ekipet nga Amerika e Veriut dhe e Jugut do të kalojnë më pas në kualifikuese të mbyllura. Dy ekipet më të mira nga kualifikueset rajonale do t’i bashkohen 10 ekipeve themeluese të Flashpoint për sezonin e rregullt, ku ato do të ndahen në 3 grupe me 4 ekipe.
Pas fazës së grupeve, do të ketë sërish një draft dhe procesi do të përsëritet. Nëse ekipet barazojnë pas fazës së grupeve, do të luhen ndeshje ekstra dhe më pas 8 ekipet në vendet e para do të kualifikohen në finalet që do të luhen në formatin double elimination.
Liga do të konkurrojë në mënyrë direkte me ESL Pro Leauge, e cila ka ftuar disa prej ekipeve më të mëdha të CS:GO për të konkurruar. Edhe pse ESL ende nuk i ka konfirmuar ekipet në EPL, ka shumë mundësi që pjesa më e madhe e Top 20 do të qëndrojë.
Gjithsesi, Flashpoint ka siguruar një prej ekipeve më të mira të produksionit, duke bërë pjesë të saj Duncan “Thorin” Shields, Christopher “MonteCristo” Mykles, Auguste “Semmler” Massonnat, Dan “DDK” Kapadia, James Bardolph, Freya Spiers, Jason “moses” O’Toole, Anders Blume dhe Sean Gares.
Edhe pse ekipet e Flashpoint nuk do të mund të luajnë në EPL, ato do të kenë mundësi të marrin pjesë në turnamente jashtë sezonit të Flashpoint, përfshirë këtu edhe Majors.