Astralis fitojnë ECS Season 8, por nuk ngritën asnjë trofe

Trofeu kishte ngelur në doganë…

Mbretërit e Counter-Strike arritën të mposhtin Team Liquid në finalen e ECS Season 8 ditën e djeshme, por kur dolën në skenë për të festuar, Astralis nuk mund të ngrinte asnjë trofe, pasi ai kishte ngelur në doganë.

Ekipi danez, i cili tashmë ka katër tituj të ECS, mposhti Team Liquid 2-1 në një finale emocionuese, ku Team Liquid fitoi Vertigo në overtime. Megjithatë, me kapitenin Lukas ‘gla1ve’ Rossander dhe Nicolai ‘device’ Reedtz në formë, si dhe aftësinë e Astralis në disa harta, Liquid nuk pasi asnjë shans në Nuke dhe Dust2.

“Mendoj se Team Liquid luajti shumë mirë por ne duam të tregojmë se 2019 dhe 2018 janë thjeshtë numra, pasi Astralis do të jenë gjithmonë më të mirët,” – tha gla1ve në një intveristë pas ndeshjes.

Edhe pse vajtën në shtëpi me plot $225,000 nga turnamenti, Astralis nuk pati mundësi të ngrinte një trofe (ose ta thyente).

Sipas Andreas ‘Xyp9x’ Højsleth trofeu ikonik i ECS ka ngelur në doganë dhe ekipi duhej të largohej nga SHBA pa të. Danezët megjithatë e morrën lajmin me sportivitet, me gla1ve që bëri sikur ngriti një trofe të padukshëm.

Elise Huang, drejtore e menaxhimit të lojtarëve për ECS, postoi një tweet ku thoshte se trofeu do t’i jepet Astralis së shpejti.

Megjithatë, me finalet e ESL Pro League Season 10 në Odense, Danimarkë që nisin nesër, Astralis do t’i duhet të presi pak përpara se të shtojnë një tjetër trofe në dhomën e tyre në Kopenhagen.