Sado që spectator bug i CS:GO në qendrën e një hetimi masiv për cheating të ESIC, është bërë patch në mënyrë të suksesshme nga zhvilluesi Valve, një nga arbitrat që po ndihmonte në këtë hetim ka shprehur shqetësimin e tij se mund të ketë më shumë bugs, ndoshta edhe më keq se ky i pari.
Gjatë podcastit të HLTV Confirmed, arbitri i esports Michael Slowinski po pyetej për metodën e punës së ndjekur për identifikimin e CS:GO Spectator Bug. Kur prezantuesi Chad ‘SPUNJ’ Burchill aludoi se ai nuk do të ishte më në lojë, Slowinski pranoi se ka të paktën dy probleme të tjera të ngjashme që po hetohen momentalisht. Ai gjithashtu sqaron se këto janë variacione të ndryshme të coach spectator bug dhe se mund të ofrojnë më shumë avantazh se bug-u fillestar.
Sado që kjo duket si një zhvillim shqetësues i situatës, me trajnerë të ndryshëm që janë zbuluar fajtorë ose kanë pranuar se e kanë përdorur bug-un fillestar, Slowinski thotë se këto bugs të reja kanë metoda aktivizimi shumë më rastësore dhe se deri më tani ai nuk ka qenë dot i aftë ti riprodhojë ato.
Le të shpresojmë që kjo do të nënkuptojë që ato janë shumë më të rralla se sa bug-u i parë. Hetimi i tanishëm i ESIC filloi në 4 shtator dhe momentalisht është në “confession period” nga ku tre trajnerë të CS:GO kanë pranuar fajin.
Investigimi do të shikojë mbi 25,000 orë xhirime dhe pritet të përfundojë pas tetë muajsh. Nëse zbulohen variacione të tjera të këtij bug-u mund të duhet edhe më shumë se kaq.