A1 Gaming Weekend sjell tre tournaments të reja çdo fundjavë

Në tre fundjavat e ardhshme do të ketë tournament-e në Rainbow Six Siege, Rocket League dhe Pro Evolution Soccer

Sezoni i pestë i A1 Adria League tashmë u mbyll, ku u shpallën ekipet më të mira rajonale në lojëra si CS:GO, FIFA, Clash Royale dhe Brawl Stars. Ndërkohë që pritet nisja e sezonit të gjashtë, organizatorët kanë planifikuar të nisin A1 Gaming Weekend, e cila sjell kampionate për tre lojëra që nuk janë luajtur deri më tani në A1 Adria League: Rainbow Six Siege, Rocket League dhe Pro Evolution Soccer.

I pari në rradhë do të jetë tournament-i i Rainbow Six Siege, i cili ka një prize pool prej 650€ dhe do të zhvillohet këtë fundjavë, ku pjesëmarrës do të jetë edhe ekipi i GameON Exiles. Në tournament mund të regjistroheni nëpërmjet link-ut në FACEIT.

Ndërkohë, në fundjavat në vazhdim, gjithashtu do të keni mundësi të merrni pjesë në kampionatet që do të zhvillohen në Rocket League dhe Pro Evolution Soccer. Më shumë detaje rreth këtyre tournamenteve do të zbulohen në javët në vijim.