Zhvilluesit e Valorant fitojnë kundër streamerave si shroud dhe Summit1g në një ndeshje miqësore

Ata kanë shumë për të mësuar.

Lojtarët e CS:GO mund të kenë një avantazh të vogël në Valorant në krahasim me lojtarët që kanë eksperiencë në lojëra të tjera, por mbrëmja e shkuar tregoi se edhe lojtarët më të mirë të CS:GO ende nuk mund ti mundin njerëzit që e kanë bërë lojën.

Disa streamera të përfaqësuar nga Loaded.gg, përfshirë Summit1g, Fl0m, shroud, Dizzy dhe Skadoodle konkuruan në Valorant, kundër një grupi të zhvilluesve të lojës dhe rezultati ishte një masakër totale.

Sado që shumë shikues po parashikonin një fitore për streamerat, zhvilluesit ju treguan të gjithëve se kush është i zoti i lojës me një fitore spektakolare.

Pak para se të fillonte përballja, Summit1g ishte realistik për pritshmëritë e tij mbi grupin e streamerave. Duke folur me shokët e tij të skuadrës, ai shpjegoi se situata ishte e ngjashme me një event kundër zhvilluesve të Overwatch që kishte bërë ai njëherë.

“Nëse mësova diçka nga të luajturit me zhvilluesit e Overwatch, është se çdo meta që mund të mendosh, ata kanë patur shumë më shumë kohë ta mendojnë përpara teje, çdo kombinim të aftësive,” tha Summit1g.

Me eksperiencë të madhe nga CS:GO Volcano, NTT, Penguin, Excaldhe Nick Wu arritën të tregonin dominancë në dy raundet e para, duke e fituar secilin me tre nga pesë lojtarë të mbetur në këmbë në fund.

Gamers si Summit dhe shroud mund të jenë në gjendje të dominojnë në closed beta, por nëse përfundoni duke marrë akses në Valorant duke parë Twitch, do të thonim që janë zhvilluesit si Volcano dhe NTT ata ndaj të cilëve duhet të ruheni.